နိုင်ငံတကာမှ ရှာဖွေကယ်ဆယ်ရေးအဖွဲ့များနှင့် ကူ ညီထောက်ပံ့မှုပစ္စည်းများ၊ ဆေးဝါးများ ထပ်မံရောက်ရှိလာ

ငလျင်ဒဏ်သင့်ဒေသများ၌ ကူညီကယ်ဆယ်မှုများပြုလုပ်ရန် နိုင်ငံတကာမှ ရှာဖွေကယ်ဆယ်ရေးအဖွဲ့များနှင့် ကူညီထောက်ပံ့မှုပစ္စည်းများ၊ ဆေးဝါးများ ဧပြီ ၁ ရက်က မြန်မာနိုင်ငံသို့ထပ်မံရောက်ရှိလာခဲ့ကြောင်း သိရသည်။

နံနက်ပိုင်းနှင့် မွန်းလွဲပိုင်းတို့တွင် ရုရှား၊ အင်ဒိုနီးရှား ၊ ထိုင်း၊ ဘူတန်၊ ဖီလစ်ပိုင်၊ လာအို၊ ဘင်္ဂလားဒေ့ရှ် နိုင်ငံတို့မှ လေယာဉ်(၁၄)စီးဖြင့် ရှာဖွေကယ်ဆယ်ရေးအဖွဲ့များနှင့်အတူ ဆရာဝန်နှင့် သူနာပြုဆေးအ ဖွဲ့၊ လူသားချင်းစာနာထောက်ထားမှုဆိုင်ရာ အကူအ ညီပစ္စည်းများနှင့် ဆေးဝါးများ နေပြည်တော်ရှိတပ်မတော်လေဆိပ်သို့ ရောက်ရှိလာခဲ့သည်။

ထို့ပြင် အိန္ဒိယနိုင်ငံမှ လူသားချင်းစာနာ ထောက် ထားမှုဆိုင်ရာအကူအညီများဖြစ်သည့် ကူညီကယ် ဆယ်ရေးပစ္စည်းများနှင့် စားသောက်ဖွယ်ရာများ တင်ဆောင်လာသော အိန္ဒိယရေတပ်မှစစ်ရေယာဉ် (၂)စင်းသည်လည်း ယနေ့ ဧပြီ ၁ ရက်နံနက်ပိုင်းက ရန်ကုန်မြို့ရှိ သီလဝါဆိပ်ကမ်း MITT သို့ရောက်ရှိလာခဲ့ပြီး ရန်ကုန်တိုင်းဝန်ကြီးချုပ်ဦးစိုးသိန်းထံသို့ မြန်မာနိုင်ငံဆိုင်ရာ အိန္ဒိယသံအမတ်ကြီးက လွှဲ ပြောင်းပေးအပ်ခဲ့သည်။

ထို့အတူ UAE နိုင်ငံမှ ကယ်ဆယ်ရေးအဖွဲ့ဝင်(၄၀) ဦး၊ မော်တော်ယာဉ်(၅)စီးနှင့်အတူ ရှာဖွေကယ်ဆယ်ရေးသုံးပစ္စည်းများပါဝင်သည့် UAE တပ်မတော်လေယာဉ်(၂)စီးသည် ကူညီကယ်ဆယ်ထောက်ပံ့မှုများပြုလုပ်နိုင်ရန်ဧပြီ ၁ ရက်က ရန်ကုန်လေဆိပ်သို့ရောက်ရှိလာခဲ့သည်။

ထိုသို့ ရောက်ရှိလာသည့် နိုင်ငံတကာမှကယ်ဆယ်ရေးအဖွဲ့ဝင်များအား တာဝန်ရှိသူများကကြိုဆိုနှုတ် ဆက်ခဲ့ကြပြီး ကူညီထောက်ပံ့ရေးပစ္စည်းများကိုလည်း ငလျင်ဒဏ်သင့်ဒေသများသို့ အမြန်ဆုံးပေးပို့နိုင်ရန် ဆက်လက်ဆောင်ရွက်လျက်ရှိသည်။