စစ်ဘက်အရပ်ဘက် တာဝန်ရှိပုဂ္ဂိုလ်များ ပါဝင်ဆွေးနွေးနေသည့် ငြိမ်းချမ်းရေးဆွေးနွေးပွဲ (၂၀၂၅) ၏ တတိယနေ့ ဆွေးနွေးမှုကို ယနေ့ မတ်လ (၂၆) ရက် နံနက်ပိုင်းတွင် နေပြည်တော် MICC(2) ရှိ အမျိုးသားစည်းလုံးညီညွတ်မှုနှင့်ငြိမ်းချမ်းရေးဖော်ဆောင်မှု ဗဟိုဌာန (NSPNC) တွင် ဆက်လက်ကျင်းပလျက်ရှိသည်။
အစည်းအဝေးသို့ NSPNC ဥက္ကဋ္ဌ ဗိုလ်ချုပ်ကြီးရာပြည့် ၊ အတွင်းရေးမှူး ဒုတိယ ဗိုလ်ချုပ်ကြီးမင်းနိုင် အပါအဝင် စစ်ဘက် အရပ်ဘက် တာဝန်ရှိသူများ၊ တပ်မတော်အငြိမ်းစားအရာရှိများ ၊ ပြည်ထောင်စုဝန်ကြီးများ၊ တိုင်းရင်းသားလက် နက်ကိုင်အဖွဲ့များ၊ နိုင်ငံရေးပါတီများမှ တာဝန်ရှိသူများ၊ စီးပွားရေးသမားများနှင့် ပြင်ပမှ တတ်သိပညာရှင်များပါ တက်ရောက်ဆွေးနွေးနေကြခြင်း ဖြစ်သည်။
ယခုဆွေးနွေးပွဲထက် ပိုမိုကျယ်ပြန့်ခမ်းနားပြီး ပါဝင်သင့် ပါဝင်ထိုက်သူများ ပိုမိုပါဝင်နိုင်မည့် ငြိမ်းချမ်းရေးဆွေးနွေးပွဲများ (၃) လ တစ်ကြိမ် ကျင်းပနိုင်ရန် မျှော်မှန်းထားကြောင်းလည်း ဒုတိယဗိုလ်ချုပ်ကြီးမင်းနိုင်က ဆွေးနွေးပွဲ အစနေ့က ပြောကြားသည့် သဘာပတိ မိန့်ခွန်းတွင် ထည့်သွင်းပြောကြား သွားသည်။
ဆွေးနွေးပွဲတွင် တိုင်းပြည်၏ ငြိမ်းချမ်းရေးဖြစ်စဉ်နှင့် ပတ်သက်၍ အကျယ်တဝင့်ဆွေးနွေးကြမည့်အပြင် ၂၀၂၅ ရွေးကောက်ပွဲအလွန်ငြိမ်းချမ်းရေးအလားအလာ ၊ ၂၀၂၁ နော က်ပိုင်း နိုင်ငံရေးအပြောင်းအလဲနှင့် ငြိမ်းချမ်းရေးဖြစ်စဉ်အပေါ် သက်ရောက်မှု ၊ လုံခြုံရေးကဏ္ဍ ၊ ငြိမ်းချမ်းရေးနှင့် စီးပွားရေးကဏ္ဍ၏ ကူးလူးဆက်နွယ်နေမှုများအပါအဝင် ပြည်တွင်းငြိမ်းချမ်းရေးနှင့် သက်ဆိုင်နေသည့် ကဏ္ဍစုံအ ကြောင်းအရာများကို ဆွေးနွေးကြမည်ဖြစ်သည်။
ဆွေးနွေးပွဲကို အစုအဖွဲ့(၂)ခုခွဲ၍ ကျင်းပနေခြင်းဖြစ်ပြီး နယ်ပယ်အသီးသီးမှ တက်ရောက်ဆွေးနွေးသူ (၁၂၀) ကျော်ရှိကြောင်းလည်း သိရသည်။