ရုပ်ရှင်သရုပ်ဆောင် နေတိုးနှင့် မိုးဟေကို အား”အချိန်လွန်မိုး” ဇာတ်ကားဖြင့် ၂၀၂၃ ခုနှစ်အတွက် အကောင်းဆုံးအမျိုးသားဇာတ်ဆောင်ဆုနှင့် အမျိုးသမီးဇာတ်ဆောင်ဆု ရရှိနိုင်သည်ဟု ပရိသတ်များက ခန့်မှန်းထားကြသည်။
“အချိန်လွန်မိုး” ဇာတ်ကားသည် မိသားစု ဒရာမာ စိတ္တဇ ရုပ်ရှင်ဇာတ်ကားတစ်ကားဖြစ်သည်။
“အချိန်လွန် မိုး” ရုပ်ရှင်သည် စံကို၏ ဇာတ်လမ်းဖြစ်ကာ မယ်ခိုင်နှင့် ဖြိုးသင်ဇာကျော်တို့က ဇာတ်ညွှန်း ရေးသားထားပြီး ဒါရိုက်တာ နေဟိန်းက ပုံဖော်ရိုက်ကူးထားသည့် ဇာတ်ကားဖြစ်ပြီး အကယ်ဒမီ နေတိုး ၊ အောင်မင်းခန့် ၊ မိုးဟေကို ၊ ခြူးလေး ၊ အကယ်ဒမီ ရဲအောင် ၊ သွန်းမြတ်ကြယ်စင် ၊ မိကြယ်စင်ကျော်ကျော် ၊ ကေညီ ၊ သူဇာပွင့် စသည့်အနုပညာရှင်များက ပါဝင်သရုပ်ဆောင်ထားကြခြင်း ဖြစ်သည်။
မိသားစုဒရာမာကိုမှ စိတ္တဇ ဆန်ဆန်သရုပ်ဆောင်ထားသည့် နေတိုးကို ပရိသတ်များက ခန့်မှန်းထားကြသလို သရုပ်ဆောင်မိုးဟေကို ကိုလည်း ယင်းဇာတ်ကားဖြင့် အကယ်ဒမီဆုရရှိလိမ့်မည်ဟု ရုပ်ရှင်ချစ်ပရိသတ်များက ခန့်မှန်းထားကြသည်။