နောက်ဆက်တွဲငလျင်လှုပ်နိုင်သည့်အတွက် ထိုင်း ဝန်ကြီးချုပ် သတိပေး

ယနေ့လှုပ်ခတ်ခဲ့သော ငလျင်ကြီးအပြီး ၂၄ နာရီအတွင်း ထပ်ဖြစ်လာနိုင်သည့် နောက်ဆက်တွဲ ငလျင်များအတွက် ပြည်သူများ သတိထားကြရန် ထိုင်းဝန်ကြီးချုပ် ပေတုံတန် ရှင်နာထပ်ထရာက သတိပေးလိုက်ပြီး တစ်နိုင်ငံလုံးကို အရေးပေါ် သတိပေးချက် ထုတ်ပြန်ခဲ့သည်။

လက်ရှိ ဖြစ်ပွားနေသော အခြေအနေကို ဖြေရှင်းရာတွင် အစိုးရဝန်ကြီးဌာနအားလုံး ညှိညှိနှိုင်းနှိုင်းဖြင့် တုန့်ပြန်ဆောင်ရွက်ကြရန်လည်း ဖူးခက်မြို့မှ မိန့်ခွန်းပြောကြားရာတွင် ဝန်ကြီးချုပ်က အမိန့်ပေးခဲ့သည်။

အများပြည်သူကို ကာကွယ်ရန်နှင့် အသိပညာပေးရေးကို ချက်ချင်း အရေးယူဆောင်ရွက်ခဲ့သည်။ ဒစ်ဂျစ်တယ် စီးပွားရေးနှင့် လူမှုရေးဝန်ကြီးဌာနအနေဖြင့် အရေးကြီးသည့် လုံခြုံဘေးကင်းရေးဆိုင်ရာ လမ်းညွှန်ချက်များအတွက် SMS သတိပေးချက်များ ပေးပို့ရန်လည်း ညွှန်ကြားခဲ့သည်။

တစ်ချိန်တည်းမှာပင် အများပြည်သူ ဝန်ဆောင်မှုဆိုင်ရာ ထုတ်ပြန်ချက်များကို နိုင်ငံတစ်ဝန်းရှိ မီဒီယာပလက်ဖောင်းများအားလုံးတွင် ထုတ်လွှင့်လျက်ရှိကြောင်း သိရသည်။

အများပြည်သူ ဘေးကင်းလုံခြုံရေးအတွက် လုံခြုံရေးတပ်ဖွဲ့များကို စုစည်းထားသကဲ့သို့ သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာနသည် ငလျင်လှုပ်ခတ်မှုကို အကဲဖြတ်ကာ ဖြစ်နိုင်ခြေ နောက်ထပ် ငလျင်များကို ခန့်မှန်းနေသည်။

ငလျင်တစ်ခုလှုပ်ခတ်ပြီးနောက် ချက်ချင်းဆိုသကဲ့သို့ နောက်ဆက်တွဲ ငလျင်လှုပ်ခတ်မှုများ ဖြစ်ပေါ်လေ့ရှိသည်ဟု ကျွမ်းကျင်ပညာရှင်များက အကြံပြုထားသည်။ နောက်ဆက်တွဲ ငလျင်များသည် အများအားဖြင့် ပြင်းထန်မှု နည်းပါးသော်လည်း နောက် ၂၄ နာရီအတွင်းတွင် အားကောင်းသော ငလျင်တစ်ခု ထပ်ဖြစ်နိုင်ခြေရှိသည်ကို ကိန်းဂဏန်းအချက်အလက်များက ညွှန်ပြနေသည်။

Ref: သည်နေရှင်း