ယမန်နေ့ ဇန်နဝါရီ (၉)ရက် ည(၉)နာရီအချိန်တွင် ကျင်းပပြုလုပ်သည့် Patong fight night ချန်ပီယံခါးပတ်လုပြိုင်ပွဲ၌ မွေထိုင်းဖိုက်တာ ဘစ်နီဖရင်ကို ရိုးရာလက်ဝှေ့မယ် နော်ဥမ္မာစိုးက ဒိုင်ပေးမှတ်ဖြင့် အနိုင်ယူကာ မွေထိုင်းချန်ပီယံခါးပတ်ကို ဆွတ်ခူးနိုင်ခဲ့ပြီဖြစ်သည်။
ယင်း ပြိုင်ပွဲတွင် နော်ဥမ္မာစိုးက မြန်မာကိုယ်စားပြု ဝင်ရောက်ယှဉ်ပြိုင်ခဲ့ခြင်းဖြစ်ကာ ယခု နှစ်သစ်တွင် နိုင်ငံအတွက် ပထမဆုံး မွေထိုင်းချန်ပီယံခါးပတ်ကို ရယူပေးနိုင်ခဲ့ခြင်းလည်းဖြစ်သည်။
ယမန်နေ့ပွဲစဉ်တွင် သုံးချီအပြည့် ထိုးသ-တ်ခဲ့ရာ၌ ပထမအချီတွင် မွေထိုင်းမယ်က အသာစီးထိုးသ-တ်နေရာမှ ဒုတိယနှင့်တတိယအချီတွင် နော်ဥမ္မာစိုးက အသာစီး ပြန်လည်ထိုးသ-တ်ခဲ့ရာ ဒိုင်ပေးမှတ်ဖြင့် အနိုင်ရရှိခဲ့ခြင်းဖြစ်သည်။
ယခင်က ပိုလန်သူ ကစ်ဘောက်ဆင်ချန်ပီယံမယ် Karolina Lisowska ဖြင့်ယှဉ်ပြိုင်ထိုးသ-တ်ရန် ပွဲတည်ထားသော်လည်း ပွဲပျက်ခဲ့ရပြီး၊ မွေထိုင်းမယ် ဘစ်နီဖရင် ဖြင့် ယှဉ်ပြိုင်ထိုးသ-တ်ခဲ့ရခြင်းဖြစ်သည်။
ရိုးရာလက်ဝှေ့ဖိုက်တာများအနက် Patong Fight Night မွေထိုင်းချန်ပီယံခါးပတ်လုပွဲစဥ်တွင် ရိုးရာလက်ဝှေ့ဖိုက်တာ စောထူးအောင်က ပထမဦးဆုံး ချန်ပီယံခါးပတ်ကိုင်မြောက်နိုင်ခဲ့သူဖြစ်ခဲ့ပြီး ၊ နော်ဥမ္မာစိုးက ဒုတိယချန်ပီယံ ရရှိခဲ့သူဖြစ်သည်။