နှစ်(၈၀)ပြည့် တပ်မတော်နေ့အား ကြိုဆိုဂုဏ်ပြုသောအားဖြင့် ရှမ်းပြည်အရှေ့ပိုင်း၊ ထိုင်း-မြန်မာနယ်စပ် တာချီလိတ် မြို့တွင် မြို့အထိမ်းအမှတ် နာရီစင်နှင့် လွယ်တော်ခမ်း တံတားကို ဖွင့်လှစ်ပေးသွားမည်ဖြစ်ကြောင်း သိရသည်။
လွယ်တော်ခမ်းတံတားသည် ပြီးခဲ့သည့်နှစ်က စံချိန်တင် ရေကြီးရေလျှံမှုကြောင့် မျောပါပျက်စီးသွားခဲ့ကာ ပြန်လည်တည်ဆောက်ထားသည့် ဒေသတွင်းချိတ်ဆက်တံတားတစ်စင်းဖြစ်သည်။
အဆိုပါ ဖွင့်ပွဲအခမ်းအနားကို မတ်လ (၂၇)ရက် တပ်မတော်နေ့မတိုင်မီ တစ်ရက်အလို မတ်လ(၂၆)ရက် နံနက်ပိုင်းတွင် ပြုလုပ်သွားမည်ဖြစ်ကြောင်း သိရသည်။
အဆိုပါ ရက်တွင် ထိုင်းမြန်မာ အမှတ် (၁)ချစ်ကြည်ရေးတံတားအား နံနက် (၇)နာရီခွဲမှ နံနက် (၁၀)နာရီအထိ ခေတ္တ ခဏ ပိတ်ထားမညဖြစ်ပြီး၊ တာချီလိတ် -မိုင်းဆက်သွားလမ်းပိုင်းဂိတ်အား နံနက် (၇)နာရီခွဲအချိန်မှ နံနက် (၁၀)နာရီအထိ သွားလာခွင့် ယာယီရပ်ဆိုင်းထားမည် ဖြစ်ကြောင်း သိရသည်။
ထို့အပြင် အခမ်းအနားကျင်းပနေစဉ်အတွင်း တာချီလိတ်မြို့နယ် ၊ ဗိုလ်ချုပ်လမ်းမ၊ တရားရုံးထိပ်မှစကာ တံတား (၁) အဝိုင်းအထိ လမ်းအသွားအလာ ယာယီပိတ်သွားမည်ဖြစ်ကြောင်း သိရှိရသည်။