ပအိုဝ်းကိုယ်ပိုင်အုပ်ချုပ်ခွင့်ရဒေသရှိ ဒေသဖွံ့ဖြိုးရေးလုပ်ငန်းများအတွက် ငွေကျပ်သန်းပေါင်း တစ်သောင်းတစ်ထောင်ကျော် သုံးစွဲဆောင်ရွက်ပေးလျက်ရှိကြောင်း သိရသည်။
လက်ရှိ၂၀၂၄ -၂၀၂၅ ဘဏ္ဍာနှစ်အတွင်း ဟိုပုံးမြို့နယ် ၊ ပုံးအယ်လမ်းခွဲမှ နမ့်ပေါ်ချော – ဟိုနား – နောင်မိုင်းပွန် – နားလော – လီမော လမ်းခွဲအထိ (၁၅) မိုင်အနက် ၊ (၅) မိုင် မြေသားလမ်း ဖောက်လုပ်ခြင်းနှင့် (၅)ပေ Box Culvert (၁၀) စင်း တည်ဆောက်ခြင်းလုပ်ငန်းများကို ခွင့်ပြုရန်ပုံငွေကျပ် (၃၂၉ ဒသမ ၄၇၆) သန်းဖြင့် ဆောင်ရွက်နေပြီး လုပ်ငန်းများ ၉၅ ရာခိုင်နှုန်း ဆောင်ရွက်ပြီးစီးနေပြီဖြစ်ကြောင်း သိရသည်။
ထို့ပြင် နယ်စပ်ရေးရာဝန်ကြီးဌာနအနေဖြင့် ရှမ်းပြည်နယ် (တောင်ပိုင်း)အတွင်း နယ်စပ်ဒေသဖွံ့ဖြိုးရေး ပြည်ထောင်စုရန်ပုံငွေဖြင့် မြေလမ်း ၆၉ မိုင် ၄ဖာလုံ၊ အာမခံ လမ်း ၁၃ မိုင် ၄) ဖာလုံ၊ ကျောက် လမ်း ၂၁ မိုင် ၃ ဖာလုံ၊ ကတ္တရာလမ်း ၂ မိုင် ၄ ဖာလုံ၊ ကတ္တရာထပ်ပိုးလွှာ ၈ မိုင် ၆ ဖာလုံ၊ ကွန်ကရစ်လမ်း ၃ မိုင် ၂ ဖာလုံ၊ ကွန်ကရစ်တံတား ငါးစင်း၊ Box Culv ert (၁၂၄)စင်း၊ ကျောက်တောင်မိုင်းခွဲခြင်းလုပ်ငန်း(၂)ခု၊ အဝီစိတွင်း တူးဖော်ခြင်းလုပ်ငန်း(၁)တွင်း၊ သာသနာရေးလုပ်ငန်း(၆)ခု၊ စိုက်ပျိုးရေရရှိရေး လုပ်ငန်း(၅)ခု၊ ဆိုလာ ၉၄ စုံနှင့် ဦးစီးဌာနလုပ်ငန်း (၆)ခုတို့ကို စုစုပေါင်းခွင့်ပြုရန်ပုံငွေကျပ် (၁၁၁၃၉ ဒသမ ၉၃)သန်းဖြင့် အကောင်အထည်ဖော်ဆောင်ရွက်ပေးလျက်ရှိကြောင်း သိရသည်။