နူးဒေလီ၊နိုဝင်ဘာ ၁၄ ကြာသပတေးနေ့နံနက်ပိုင်းက အိန္ဒိယနိုင်ငံမြို့တော်နှင့် ဆင်ခြေဖုံးများတွင် မီးခိုးမြူများ ဖုံးလွှမ်းသွားခဲ့ပြီး လေယာဉ်ခရီးစဉ်များနှင့် ရထားအချိန်များကို ရပ်ဆိုင်းခဲ့ရကြောင်းသိရသည်။ ခရီးသည်များအနေဖြင့်လည်း လေကြောင်းခရီးစဉ်ဆိုင်ရာ နောက်ဆုံးအခြေအနေအတွက် သတင်းအချက်အလက်များရစေရန် မိမိတို့၏ သက်ဆိုင်ရာလေကြောင်းလိုင်းများထံဆက်သွယ်မေးမြန်းရန်ပြောကြားထားသည်။ ပုဂ္ဂလိကလေကြောင်းလိုင်းတစ်ခုဖြစ်သည့် အင်ဒီဂို သည် မြူများက အမ်ရစ်ဆာ၊ဗာရာဏသီနှင့် ဒေလီသို့ အသွားအပြန်ပျံသန်းမှုများအပေါ် သက်ရောက်မှုရှိနိုင်ကြောင်းထုတ်ပြန်ခဲ့ပြီး ခရီးသည်များအနေဖြင့်လည်း လေဆိပ်သို့ မသွားရောက်မီ လေကြောင်းပျံသန်းမှု အခြေအနေကို စောင့်ကြည့်ရန်တိုက်တွန်းထားသည်။ Flightradar 24 ၏ ပြသချက်များအရ ဒေလီလေဆိပ်တွင် လေကြောင်းခရီးစဉ် ၃၀၀ ကျော် နှောင့်နှေးခဲ့ကြောင်းသိရပြီး ကြာသပတေးနေ့တွင် မြို့တော်၏လေထုအရည်အသွေးသည် ပိုမိုကျဆင်းလာကာ ပြင်းထန်သည့်အခြေအနေတွင်...

ပေကျင်း၊နိုဝင်ဘာ ၁၄ တရုတ်နှင့်ရုရှားတို့သည် တရားဥပဒေစိုးမိုးရေးနှင့် လုံခြုံရေးပူးပေါင်းဆောင်ရွက်မှုယန္တရား၏ ၉ ကြိမ်မြောက် အစည်းအဝေးကို ဗုဒ္ဓဟူးနေ့တွင် ပေကျင်း၌ ကျင်းပခဲ့ကြောင်းသိရသည်။ ယင်းအစည်းအဝေးကို တရုတ်ကွန်မြူနစ်ပါတီ (စီပီစီ) ၏အကြီးတန်းအရာရှိ ချန်ဝမ်ချင်းက ရုရှားဖက်ဒရေးရှင်းလုံခြုံရေးကောင်စီအတွင်းရေးမှူး ဆာဂေးရှိုဂူနှင့် ပူးတွဲသဘာပတိအဖြစ်ဆောင်ရွက်ခဲ့ခြင်းဖြစ်ဟုသိရသည်။ မစ္စတာချန်က မကြာသေးမီနှစ်များအတွင်း နှစ်နိုင်ငံခေါင်းဆောင်များသည် ဖွံ့ဖြိုးတိုးတက်ရေးဆိုင်ရာ အရေးကြီးသော သဘောတူညီချက်များ ဆက်တိုက်ရရှိခဲ့သကဲ့သို့ နှစ်နိုင်ငံဘက်စုံမဟာဗျူဟာမြောက် မိတ်ဖက်ဆက်ဆံရေးခေတ်သစ်အတွက် ညှိနှိုင်းဆောင်ရွက်လျက်ရှိပြီး နှစ်နိုင်ငံဆက်ဆံရေးသည်လည်း စဉ်ဆက်မပြတ်ဆက်လက်ဖွံ့ဖြိုးတိုးတက်လျက်ရှိသည်ဟုပြောကြားခဲ့သည်။ ယခုနှစ်သည် တရုတ်-ရုရှားသံတမန်ဆက်ဆံရေးထူထောင်မှု ၇၅ နှစ်မြောက်နှစ်လည်းဖြစ်ပြီး တရားဥပဒေစိုးမိုးရေးနှင့် လုံခြုံရေးပူးပေါင်းဆောင်ရွက်ရေး ယန္တရားကို စတင်တည်ထောင်ပြီးကတည်းက နှစ်နိုင်ငံ သက်ဆိုင်ရာဌာနများအနေဖြင့် နိုင်ငံရေးလုံခြုံရေး၊ အကြမ်းဖက်မှုတိုက်ဖျက်ရေးနှင့်...

တိုင်ပေ၊နိုဝင်ဘာ ၁၄ ထိုင်ဝမ်သို့ တိုက်ဖွန်းအူဆာဂီနီးကပ်လာသဖြင့် ထိုင်ဝမ်မိုး‌လေဝသဌာနက မူလကထုတ်ပြန်ထားသည့် ပင်လယ်ရေပြင်သတိပေးချက်အပြင် ယခုအခါ ကုန်းတွင်းပိုင်းမြေပြင်အတွက်ပါ ထပ်တိုးသတိပေးချက်ထုတ်ပြန်လိုက်ကြောင်းသိရသည်။ ကြာသပတေးနေ့၊ညနေ ၆ နာရီတွင် တိုက်ဖွန်းမုန်တိုင်း၏ဗဟိုသည် ကျွန်း၏တောင်ဘက်စွန်းအရှေ့တောင်ဘက် ကီလိုမီတာ ၄၀၀ ခန့်အကွာတွင် တည်ရှိနေရာမှ အနောက်မြောက်ဘက်သို့ တစ်နာရီလျှင် ၁၁ ကီလိုမီတာမှ ၁၈ ကီလိုမီတာနှုန်းဖြင့် ရွေ့လျားလာခဲ့ကြောင်းပြောကြားခဲ့သည်။မုန်တိုင်းဗဟိုချက်အနီးတွင် အမြန်ဆုံးလေတိုက်နှုန်းမှာ တစ်နာရီလျှင် ၁၅၅ ကီလိုမီတာဖြစ်သည်ဟုလည်းဆိုသည်။ မိုးလေဝသဌာန အ‌နေဖြင့် အူဆာဂီ၏ ခန့်မှန်းမရသောလမ်းကြောင်းကို ဆက်လက်စောင့်ကြည့်သွားမည်ဖြစ်ပြီး ပြည်သူများသည်လည်း တိုက်ဖွန်းမုန်တိုင်း၏ ရွေ့လျားမှုဆိုင်ရာနောက်ဆုံးသတင်းများကို သတိထားစောင့်ကြည့်နေထိုင်ရန်ကိုပါအကြံပြုထားသည်။ လတ်တလောအ‌ခြေအနေအရ ထိုင်ဝမ်တစ်ဝန်း ကူးတို့ဝန်ဆောင်မှုနှင့် လေယာဉ်ခရီးစဉ်အများအပြားကို...