ပုဂံရှေးဟောင်းယဉ်ကျေးမှုဒေသရှိ မနုဟာဘုရားကြီးအား ရွှေသင်္ကန်း မကပ်လှူမှီ ရွှေမိုက်ထုတ်နိုင်ရေး နိုင်ငံပိုင်သတင်းစာများတွင် လေလံစည်းကမ်းချက်များနှင့်အညီ လေမိုက်တင်ဒါခေါ်ယူမည်

မန္တလေးတိုင်းဒေသကြီး၊ ညောင်ဦးမြိုနယ် ပုဂံရှေးဟောင်းယဉ်ကျေးမှုဒေသ မြင်းကပါကျေးရွာရှိ မနုဟာဘုရားကြီး ထီးတော်နှင့် အရံစေတီများ ရွှေသင်္ကန်းကပ်လှူပူဇော်မည်ဖြစ်ပြီး ရွှေသင်္ကန်း မကပ်လှူမှီ ရွှေမိုက်ထုတ်နိုင်ရေး နိုင်ငံပိုင်သတင်းစာများတွင် လေလံစည်းကမ်းချက်များနှင့်အညီ လေမိုက်တင်ဒါခေါ်ယူမည်ဖြစ်ကြောင်း မနုဟာဘုရားကြီး ဘဏ္ဍာတော်ထိန်းဂေါပကအဖွဲ့မှ သိရသည်။

မနုဟာဘုရားကြီး ထီးတော်နှင့် အရံစေတီ (၂၇) ဆူ ရွှေသင်္ကန်းကပ်လှူပူဇော်နိုင်ရေး လုပ်ငန်းညှိနှိင်း အစည်းအဝေးကို မနုဟာဘုရားကြီး ဘဏ္ဍာတော်ထိန်း ဂေါပကအဖွဲ့ရုံးခန်း၌ ရွှေသင်္ကန်းကပ်လှူပူဇော်နိုင်ရေး လုပ်ငန်းညှိနှိင်း အစည်းအဝေးကို ယမန်နေ့ မတ်လ (၂၅)ရက်က ပြုလုပ်ခဲ့ကြောင်း သိရသည်။

အဆိုပါ အစည်းအဝေးတွင် မနုဟာဘုရားကြီးရွှေသင်္ကန်း မကပ်လှူမှီ ရွှေမိုက်ထုတ်လေမိုက်တင်ဒါခေါ်ယူနိုင်ရေး နိုင်ငံပိုင်သတင်းစာများတွင် လေလံစည်းကမ်းချက်များနှင့်အညီ ခေါ်ယူနိုင်ရေးနှင့် သတ်မှတ်ရက် အတွင်း ပြီးစီးနိုင်ရေး ဆောင်ရွက်သွားမည်ဟု ညောင်ဦးခရိုင်စီမံအုပ်ချုပ်ရေးအဖွဲဥက္ကဋ္ဌ ဦးကျော်မင်းညိုက ပြောကြားခဲ့သည်။

ဆက်လက်၍ ညောင်ဦးခရိုင်သာသနာရေးမှူး ဦးနေလင်းသိန်းက ငြမ်းစင်ခြင်းလုပ်ငန်း သတ်မှတ်ရက် ပြီးစီးနိုင်ရေး ကြိုတင်ဆောင်ရွက်ထား ရှိမည့် လုပ်ငန်းစဉ်များအား ဆွေးနွေးတင်ပြခဲ့ကြောင်း သိရသည်။

ထို့နောက် တက်ရောက်လာသည့် ရွှေသင်္ကန်း လုပ်ငန်းကြီးကြပ်ရေးကော်မတီဝင်များ၊ ခရိုင်အဆင့် ဌာနဆိုင်ရာများ၊ ရွှေပညာရှင်များက ကဏ္ဍအလိုက်ဆောင်ရွက်ရမည့် လုပ်ငန်းစဉ်များအား ဆွေးနွေးတင်ပြခဲ့ပြီး ရွှေမိုက်ထုတ်ချိန်၊ ရွှေဆိုင်းလေလံခေါ်ယူချိန် သတ်မှတ်စည်းကမ်းချက်များဖြင့် ပြီးမြောက်အောင်မြင်အောင် ဆောင်ရွက်နိုင်ရေး ဆွေးနွေးခဲ့ကြကြောင်း သိရသည်။