ရန်ကုန်တိုင်း၊ ပုဇွန်တောင်မြို့နယ်ရှိ သီတာဆိပ် ကမ်းတွင် ယနေ့ ဒီဇင်ဘာ ၂ ရက်နံနက် ၈ နာရီ ၅၃ မိနစ်ခန့်က သင်္ဘောတစ်စီးမီးလောင်မှုဖြစ် ပွားခဲ့ကြောင်း မီးသတ်တပ်ဖွဲ့ထံမှ သိရသည်။
ပုဇွန်တောင်မြို့နယ်၊ (၃)ရပ်ကွက်၊ အောက်ပုဇွန်တောင်လမ်းရှိ သီတာဆိပ်ကမ်းတွင် သင်္ဘောတစ်စီးမီးလောင်နေသဖြင့် တာမွေမြို့နယ်မီး သတ်စခန်း၊ ပုဇွန်တောင်မြို့နယ်မီးသတ်စခန်း၊ ဒေါပုံမြို့နယ်မီးသတ်စခန်းတို့မှတပ်ဖွဲ့ဝင်များနှင့် လူမှုကူညီရေးအသင်းဝင်များက သွားရောက်ငြှိမ်းသတ်ခဲ့ကြသည်။
ထို့ကြောင့် နံနက် ၉ နာရီ ၄ မိနစ်တွင် မီးထိန်းနိုင်ခဲ့ပြီး နံနက် ၉ နာရီ ၇ မိနစ်၌ မီးငြိမ်းသွားခဲ့သဖြင့် စတင်လောင်ကျွမ်းရသည့်အကြောင်းရင်းနှင့် ပျက်စီးဆုံးရှုံးမှုတန်ဖိုးကို မီးသတ်တပ်ဖွဲ့တာဝန်ရှိသူများက စစ်ဆေးခဲ့ကြကြောင်း သိရသည်။
ထို့ပြင် နံနက် ၆ နာရီ ၁၅ မိနစ်ခန့်ကလည်း ရွှေပြည်သာမြို့နယ်၊ ၁၃ရပ်ကွက်၊ စစ်ကိုင်းလမ်း တွင် ကားတစ်စီးမီးလောင်မှုဖြစ်ပွား၍ ရွှေပြည်သာမြို့နယ်မီးသတ်စခန်းမှတပ်ဖွဲ့ဝင်များက ငြှိမ်းသတ်ခဲ့ကြသဖြင့် နံနက် ၆ နာရီ ၂၁ မိနစ်၌ မီးငြိမ်းသွားခဲ့ကြောင်း သိရသည်။
ထို့အတူ ဒီဇင်ဘာ ၁ ရက်ည ၁ နာရီ ၁၀ မိနစ်ခန့်က မုံရွာမြို့၊ စက်မှုဇုန်ရပ်ကွက်၊ စွယ်တော်လမ်းရှိ “ရွှေခြူး”ဂွမ်းဖက်စက်ရုံတွင် မီးလောင်နေသဖြင့် မုံရွာခရိုင်/မြို့နယ်မီးသတ်စခန်း၊ စက်မှုဇုန်အ ရန်မီးသတ်စခန်း၊ သလ္လာရပ်ကွက်အရန်မီးသတ်စခန်းတို့မှတပ်ဖွဲ့ဝင်များက ပူးပေါင်းငြှိမ်းသတ်ခဲ့ကြ၍ ည ၁ နာရီ ၄၅ မိနစ်တွင် မီးထိန်းနိုင်ခဲ့ပြီး ည ၂ နာရီ ၄၀ မိနစ်၌ မီးငြိမ်းသွားခဲ့ကြောင်း သိရသည်။