ပြည်ကြီးတံခွန်မြို့နယ်မှ လောင်းကစားဝိုင်းတစ်ခုအား ဖမ်းဆီးရမိ
မန္တလေးမြို့၊ပြည်ကြီးတံခွန်မြို့နယ်၊(ဈ)ရပ်ကွက်၊၅၃လမ်း၊၁၃၈လမ်းနှင့်၁၃၉လမ်းကြားရှိ နေအိမ်တစ်အိမ်တွင် မေလ၁၅ရက် မွန်းလွဲ၁နာရီခွဲခန့်က သတင်း အရ ဝင်ရောက်ရှာဖွေခဲ့ရာ အဆိုပါနေအိမ်အတွင်းမှ လောင်းကစားဝိုင်းတစ်ခုတွင် လောင်းကစားပြုလုပ်နေသူများအား ရဲတပ်ဖွဲ့မှ ဖမ်းဆီးရမိခဲ့ကြောင်း စုံစမ်းသိရှိရသည်။
“ရဲက ဒီနေ့ဝင်ဖမ်းတဲ့ လောင်းကစားဝိုင်းက ပတ်ဝန်းကျင်ကိုတောင်ဂရုမစိုက်ဘဲ တရားဝင်လောင်းကစားလုပ်တာလိုလို လုပ်နေကြတော့ မကျေနပ်တဲ့သူက တိုင်လိုက်တော့ ဝင်ဖမ်းခံရတာပါ´´ဒေသခံတစ်ဦးက
ပြောသည်။
ဖမ်းဆီးရမိမှုဖြစ်စဉ်မှာ မေလ၁၅ရက် မွန်း၁နာရီခွဲခန့်က ပြည်ကြီးတံခွန်မြို့နယ်၊(ဈ)ရပ်ကွက်၊၅၃လမ်း၊၁၃၈လမ်းနှင့်၁၃၉လမ်းကြားရှိ နေအိမ်တစ်အိမ်တွင်
လောင်းကစားပြုလုပ်နေကြောင်း သတင်းအရ ရဲတပ်ဖွဲ့ဝင်ရောက်ရှာဖွေခဲ့ရာ လောင်းကစားပြုလုပ်နေသည့် အမျိုးသား(၄၅)ဦး၊အမျိုးသမီး(၇)ဦးတို့အား
လောင်းကစားပြုလုပ်ရာတွင် အသုံးပြုသည့် ဂျင်သီး ၂ လုံး၊ လောင်းကစား ပြုလုပ်ရာတွင် အသုံးပြုသည့် ဗွီနိုင်း ၁ ချပ်၊ဆိုင်ကယ်မျိုးစုံ ၁၈ စီးနှင့် မြန်မာကျပ်ငွေ ၂,၄၃၂,၀၀၀ ကျပ်တို့ကို ဖမ်းဆီးရမိခဲ့ခြင်း ဖြစ်ကြောင်း စုံစမ်းသိရှိရသည်။
