မနီလာ၊ဧပြီ ၁
ဖိလစ်ပိုင်နိုင်ငံသည် ငလျင်ဒဏ်ခံခဲ့ရသော မြန်မာနိုင်ငံသို့ ပထမဆုံးအသုတ်အဖြစ် လူ ၉၁ ဦးပါ ကယ်ဆယ်ရေးအဖွဲ့ကို အင်္ဂါနေ့အစောပိုင်းက ရှာဖွေကယ်ဆယ်ရေးလုပ်ငန်းများလုပ်ရန် စေလွှတ်ခဲ့သည်ဟုသိရသည်။
“C-130 လေယာဉ်နှစ်စင်းသည် မြန်မာနိုင်ငံ၌ နှစ်ပတ်ကြာကူညီရန် ကနဦးအဖွဲ့ဝင် ၅၈ ဦးကို ပို့ဆောင်ခဲ့ပြီး ကျန် ၃၃ ဦးကို ဧပြီလ ၂ ရက်နေ့တွင် နောက်ထပ် C-130 လေယာဉ်တစ်စီးဖြင့်ပို့ဆောင်ရန် စီစဉ်ထားသည်” ဟု ဖိလစ်ပိုင်လေတပ် (PAF) ၏ သတင်းထုတ်ပြန်ချက်တွင်ဖော်ပြထားသည်။
အဆိုပါအဖွဲ့သည် မရှိမဖြစ်လိုအပ်သော ရှာဖွေကယ်ဆယ်ရေးပစ္စည်းများနှင့် ဆေးဝါး၊ ကိရယာများ ယူဆောင်လာခဲ့ကြောင်း သိရသည်။
“ဒီဝန်ထမ်းတွေဟာ အသက်ကယ်လုပ်ငန်းတွေ လုပ်ဆောင်ဖို့၊ဆေးဘက်ဆိုင်ရာ အကူအညီတွေ ပေးဖို့နဲ့ မစ်ရှင်တစ်လျှောက် အရေးကြီးတဲ့အကူအညီတွေပေးဆောင်ဖို့ အဆင်သင့်ဖြစ်နေပါပြီ” ဟု သတင်းထုတ်ပြန်ချက်တွင်ဖော်ပြထားသည်။
C-130 လေယာဉ်အမှုထမ်း၊လေတပ်သားများ၊ ဆရာဝန်များနှင့် လေယာဉ်လုံခြုံရေးအပါအဝင် လေတပ်မှအမှုထမ်း ၄၀ သည်လည်း မစ်ရှင်တွင်ပါဝင်မည်ဖြစ်ကြောင်းသိရသည်။
ပြင်းအား ၇ ဒသမ ၇ အဆင့်ရှိ ငလျင်လှုပ်ခတ်မှုကြောင့် ေ-သဆုံးသူ ၂,၀၅၆ ဦးအထိမြင့်တက်လာပြီး လူ ၃,၉၀၀ ခန့်ဒဏ်ရာရရှိကာ ၂၇၀ နီးပါး ပျောက်ဆုံးနေကြောင်း မြန်မာအာဏာပိုင်များက တနင်္လာနေ့တွင်ပြောကြားခဲ့သည်။
Source : ရှင်းဟွာ