သောကြာနေ့ မွန်းလွဲပိုင်းက မြန်မာနိုင်ငံတွင်းကို ဗဟိုပြုလှုပ်ခတ်ခဲ့သော အင်အားပြင်းငလျင်ကြောင့် အထပ် ၃၀ မြင့် အစိုးရအဆောက်အအုံတစ်လုံး ပြိုကျခဲ့မှု အပါအဝင် ဘန်ကောက်တွင် ဆောက်လုပ်ရေးလုပ်ငန်းခွင် သုံးခုပြိုကျခဲ့မှုရာ ေ-သဆုံးသူ ၁၀ ဦး ရှိလာကာ ဒဏ်ရာရသူ ၁၆ ဦးနှင့် ပျောက်ဆုံးသူ ၁၀၁ ဦး ရှိနေသေးသည်ဟု ဘန်ကောက် ဒုတိယအုပ်ချုပ်ရေးမှူး Tavida Kamolvei က ပြောကြားသည်။
ယမန်နေ့ မွန်းလွဲ ၁ နာရီ ၂၀ မိနစ်က မန္တလေးမြို့ကိုဗဟိုပြု၍ အနက် ၁၀ ကီလိုမီတာခန့်မှ လှုပ်ခတ်ခဲ့သော ပြင်းအား ၇ ဒဿမ ၇ ရှိ ငလျင်သည် ထိုင်း၊ တရုတ်၊ ဗီယက်နမ်နိုင်ငံတို့တွင်လည်း လှုပ်ခတ်မှုများဖြစ်ခဲ့သည်။
ထိုင်းနိုင်ငံ မြောက်ပိုင်း မယ်ဟောင်ဆောင်ပြည်နယ်တွင် နောက်ဆက်တွဲ ငလျင်နှစ်ခု ထပ်လှုပ်သွားခဲ့သည်ကို တိုင်းတာရရှိခဲ့သည်ဟု မိုးလေဝသဌာနက စနေနေ့တွင် သတင်းထုတ်ပြန်ခဲ့သည်။
ပထမလှုပ်ခတ်မှုသည် Pai ခရိုင်တွင် ည ၁၁ နာရီ ၂၁ မိနစ်၌ အနက် ၅ ကီလိုမီတာမှလှုပ်ခတ်သွားခြင်းဖြစ်ကာ ပြင်းအား ၄ ဒဿမ ၁ ရှိခဲ့ပြီး ဒုတိယမြောက် လှုပ်ခတ်မှုသည်လည်း ယင်းခရိုင်တွင်ပင် ဖြစ်ပွားခဲ့ပြီး ပြင်းအား ၂.၀ ရှိခဲ့သည်။
နောက်ဆက်တွဲ ငလျင်များကြောင့် ထိခိုက်ပျက်စီးမှု သတင်းများ မရှိသေးပေ။
Ref; ဘန်ကောက်ပို့စ်