ဘရာဇီးလ် နိုင်ငံနှင့် အာဆီယံအဖွဲ့ဝင် နိုင်ငံများအကြား ကုန်သွယ်မှု တိုးမြှင့်နိုင်ရေး ယခုနှစ်တွင် ဥပဒေပြုရေး အဆိုပြုချက်များ ရေးဆွဲသွားမည်ဖြစ်ကြောင်း ဘရာဇီးလ်-အာဆီယံ လွှတ်တော်အဖွဲ့ စတင်မိတ်ဆက်သည့် အခမ်းအနား၌ ဘရာဇီးလ်-အာဆီယံ လွှတ်တော်အဖွဲ့ဥက္ကဋ္ဌ၊ အောက်လွှတ်တော် အမတ် Waldemar Oliveira ၏ ပြောကြားချက်အရ သိရသည်။
ဘရာဇီးလ်-အာဆီယံ လွှတ်တော်အဖွဲ့ စတင်မိတ်ဆက်သည့် အခမ်းအနားအား ဘရာဇီးလ်အမျိုးသားလွှတ်တော်အဆောက်အအုံ၌ မတ်လ (၁၃) ရက်က ကျင်းပပြုလုပ်ခဲ့ခြင်းဖြစ်သ ည်။
အဆိုပါ အခမ်းအနားသို့ ဘရာဇီးလ်နိုင်ငံဆိုင်ရာ မြန်မာသံ အမတ်ကြီး ဦးအောင်ကျော်ဇံက ဘရာဇီးလျားမြို့ အခြေစိုက် အာဆီယံသံရုံး အကြီးအကဲများ၊ အာဆီယံ-ဘရာဇီးလျားကော်မတီ အဖွဲ့ဝင်များနှင့်အတူ ပါဝင်တက်ရောက်ခဲ့ကြောင်း သိရသည်။
အဆိုပါ အခမ်းအနား၌ ဘရာဇီးလ်-အာဆီယံ လွှတ်တော်အဖွဲ့ဥက္ကဋ္ဌ၊ အောက်လွှတ်တော် အမတ် Waldemar Oliv eira က အဖွင့်အမှာစကားပြောကြားခဲ့ရာ၊ ဘရာဇီးလ်-အာဆီယံ လွှတ်တော်အဖွဲ့အနေဖြင့် ဘရာဇီးလ်နိုင်ငံနှင့် အာဆီယံအဖွဲ့ဝင်နိုင်ငံများအကြား ကုန်သွယ်မှု တိုးမြှင့်နိုင်ရေးအတွက် ယခုနှစ်တွင် ဥပဒေပြုရေးအဆိုပြုချက်များ ရေးဆွဲသွားမည်ဖြစ်ကြောင်း ထည့်သွင်းပြောကြားခဲ့ခြင်းဖြစ်သ ည်။
ဆက်လက်၍ ဘရာဇီးလ်-အာဆီယံ လွှတ်တော်အဖွဲ့၊ ဒုတိယ ဥက္ကဋ္ဌ၊ အောက်လွှတ်တော်အမတ် Fausto Pinato ၊ ဘရာဇီးလ်နိုင်ငံ၊ ဆိပ်ကမ်းနှင့် လေဆိပ်များ ဝန်ကြီး HE. Mr. Sílvio Costa Filho ၊ အာဆီယံ-ဘရာဇီးလျားကော်မတီဥ က္ကဋ္ဌ ဘရာဇီးလ်နိုင်ငံဆိုင်ရာ ဗီယက်နမ် သံအမတ်ကြီး HE. Mr. Bui Van Nghi နှင့် ဘရာဇီးလ်နိုင်ငံခြားရေး ဝန်ကြီး ဌာန၊ အာရှနှင့် ပစိဖိတ်ရေးရာအတွင်းဝန် Ambassador Eduardo Paes Saboia တို့က မိန့်ခွန်းများအသီးသီးပြောကြားခဲ့ကြကြောင်း သိရသည်။
ဘရာဇီးလ်-အာဆီယံ ဆက်ဆံရေးနှင့် ပူးပေါင်း ဆောင်ရွက်မှု ဆက်လက်ခိုင်မာစေရေးကိစ္စရပ်များအား အလေးပေး ပြောကြားခဲ့ကြကြောင်း သိရသည်။