မန္တလေးတိုင်း၊ အောင်မြေသာစံမြို့နယ်ရှိ မန္တ လေးတောင်အဆင်းတွင် ဘုရားဖူး Light Truck ကား ဘရိတ်ပေါက်ပြီးချောက်ထဲထိုးကျတိမ်းမှောက်ခဲ့မှု ယနေ့ ဇန်နဝါရီ ၈ ရက်မွန်းလွဲ ၂ နာရီခွဲခန့်ကဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။
အောင်မြေသာစံမြို့နယ်၊ ဥပုသ်တော်ရပ်ကွက်ရှိ မန္တလေးတောင်အဆင်းလမ်းအတိုင်း မန္တလေးတောင်ပေါ်မှ ဘုရားဖူး၍ပြန်ဆင်းလာသည့် Light Truck (အဖြူရောင်)ကားသည် အခင်းဖြစ်နေရာ ဒုတိယကွေ့မြောက်ဘက်စောင်းတန်းအနီးအရောက် ဘရိတ်ပေါက်ကာ အရှိန်မထိန်းနိုင်ဘဲ ချောက်ထဲထိုးကျတိမ်းမှောက်သွားခဲ့ကြောင်း သိရသည်။
ထိုသို့ တိမ်းမှောက်ခဲ့သဖြင့် ကားပေါ်တွင်လိုက်ပါလာသည့် ကားမောင်းသူအပါအဝင် အမျိုးသား (၆)ဦးနှင့်အမျိုးသမီး(၁၁)ဦးတို့တွင် ထိခိုက်ဒဏ်ရာများ(မစိုးရိမ်ရ)ရရှိခဲ့ကြောင်း သိရသည်။
ထို့ကြောင့် အောင်မြေသာစံမြို့နယ်မီးသတ်စခန်းမှတပ်ဖွဲ့ဝင်များ၊ နန်းတော်ရှေ့လူမှုကူညီရေးအသင်းနှင့် နှလုံးလှလူမှုကူညီရေးအသင်းတို့မှအသင်းဝင်များက ကူညီကယ်ဆယ်မှုများပြုလုပ်၍ ထိခိုက်ဒဏ်ရာရသူများအား မန္တလေးပြည်သူ့ဆေးရုံကြီးသို့ပို့ဆောင်ပေးခဲ့ကြကြောင်း သိရသည်။
Photo-ဦးသိန်းထွန်းအောင်