မနက်ဖြန် နိုဝင်ဘာ (၂၂) ရက်၊ ညပိုင်းတွင် ONE က ပြုလုပ်မည့် ONE Friday Fights 88 ပွဲစဉ်အတွင်း မော်ရိုကိုဖိုက်တာနှင့် ယှဉ်ပြိုင်ထိုးသ-တ်ရမည့် ရိုးရာဖိုက်တာထွန်းမင်းအောင် ပရိတ်သတ်အတွက် အကောင်းဆုံးကြိုးစားသွားမည်ဟု Facebook လူမှုကွန်ရက်စာမျက်နှာမှတဆင့် ကတိပြုစကားဆိုသည်။
ပြိုင်ဘက် မော်ရိုကို ဖိုက်တာနှင့် ထွန်းမင်းအောင်တို့ ယနေ့တွင် ဆေးစစ်ဝိတ်ချိန်အောင်မြင်ပြီးဖြစ်ကြောင်း သိရသည်။
“ဘယ်လောက်ပဲ ပင်ပန်းနေပါစေ ၊ ကျွန်တော် ပရိတ်သတ်တွေအတွက် မနက်ဖြန်အကောင်းဆုံးကြိုးစားမယ်။ အားပေးဖို့ Redy ပဲလား”ဟု ၎င်းက ဆိုသည်။
ရိုးရာဖိုက်တာ ထွန်းမင်းအောင်နှင့် ယှဉ်ပြိုင်ထိုးသ-တ်မည့် အသက်(၂၅)နှစ် အရွယ်မော်ရိုကိုဖိုက်တာ အက်ဘ်ဒယ်လာဇီဇာဟီဒီသည် အရပ် (၅) ပေ (၁၁) လက်မရှိပြီး၊ မွေထိုင်းပွဲ (၃၄) ပွဲ ထိုးသ-တ်ထားသည့်အနက် ပွဲ (၃၀) အနိုင်ရထားပြီး (၄) ပွဲ ရှုံးနိမ့်ထားသူဖြစ်သည်။
ရိုးရာဖိုက်တာ ထွန်းမင်းအောင်သည် ONE က ပြုလုပ်သည့် ပွဲစဉ်တွင် တစ်ပွဲရှုံး၊ တစ်ပွဲနိုင် ရလဒ်ကို ပိုင်ဆိုင်ထားကာ နောက်ဆုံးထိုးသ-တ်ခဲ့သည့် ပွဲစဉ်အတွင်း ပြိုင်ဘက်ဖြစ်သူကို အလဲထိုးကာ ချက်ထရီက ချီးမြှင့်သည့် ဘတ်သုံးသိန်းခွဲကို ရရှိထားသူတစ်ဦးဖြစ်သည်။