မန်မိုဟန်ဆင်းကို နိုင်ငံတော်ဈာပနအခမ်းအနားဖြင့် ဂုဏ်ပြုသဂြိုဟ်မည်

ဒီဇင်ဘာ ၂၆ ရက်က ဒေလီမြို့တွင် ကွယ်လွန်သွားခဲ့သော ဝန်ကြီးချုပ်ဟောင်း မန်မိုဟန်ဆင်း(အသက် ၉၂ နှစ်) အတွက် ဇန်နဝါရီ ၁ ရက်နေ့အထိ နိုင်ငံတော်ဝမ်းနည်းပူဆွေးခြင်းအထိမ်းအမှတ် ခုနစ်ရက်တာသတ်မှတ်ကြောင်း အိန္ဒိယအစိုးရက ဒီဇင်ဘာ ၂၇ ရက်တွင် ကြေညာသည်။

ဒီဇင်ဘာ ၂၈ ရက်တွင် ဒေလီ၌ သူ့ကို နိုင်ငံတော်ဈာပနအခမ်းအနားဖြင့် ဂုဏ်ပြုကျင်းပသွားမည်ဖြစ်သည်။

၁၉၉၀ ပြည့်နှစ်လွန်များတွင် အိန္ဒိယနိုင်ငံ၏ စီးပွားရေးကို ဖွင့်ပေးခဲ့ပြီး၊ ငွေပေးချေမှုဆိုင်ရာ အကျပ်အတည်းကို ထိန်းကျောင်းကိုင်တွယ်ပေးခဲ့သော စီးပွားရေးပြုပြင်ပြောင်းလဲမှုများ၏ အဓိက ပဲ့ကိုင်ပညာရှင်အဖြစ် အသိအမှတ်ပြုကြသည့် ဒေါက်တာဆင်းအတွက် အမှတ်တရဂုဏ်ပြုစကားများ ထွက်ပေါ်ခဲ့သည်။

ဒေါက်တာဆင်းသည် မိမိတို့၏ စီးပွားရေး မူဝါဒ အပေါ် ခိုင်မာသော အကျိုးသက်ရောက်မှုတစ်ခုထားရစ်ခဲ့ပြီး ပြည်သူများ၏ ဘဝတိုးတက်စေရန် ကျယ်ပြန့်စွာကြိုးပမ်းအားထုတ်ခဲ့သည်ဟု အိန္ဒိယ၏ လက်ရှိဝန်ကြီးချုပ် နာရင်ဒြာမိုဒီက X ပေါ်တွင် ပြောဆိုခဲ့သည်။

ဒေါက်တာဆင်း၏ ကွန်ဂရက်ပါတီဝင် အတိုက်အခံခေါင်းဆောင် ရာဟူးဂန္ဒီက ဒေါက်ဆင်း၏ နိဝါ‌တောစ မင်ဂလာ နှင်ုပြည့်စုံမှု၊ စီးပွားရေးတွင် နက်နဲသော သိမြင်နားလည်မှုတို့သည် နိုင်ငံတော်ကို စေ့ဆော်ပေးခဲ့သည်ဟု ဂုဏ်ပြုပြောဆိုခဲ့ပြီး သူ့အနေဖြင့် နည်းပြတစ်ဦး၊ လမ်းပြတစ်ဦး ဆုံးရှုံးခဲ့ရပြီဖြစ်ကြောင်းလည်း X ပေါ်တွင် ပြောဆိုခဲ့သည်။

သူ၏ မိခင်ဖြစ်သူ ကွန်ဂရက်ပါတီဥက္ကဌဟောင်း၊ လွှတ်တော်အမတ်တစ်ဦးဖြစ်သည့် မစ္စဆိုနီယာဂန္ဒီကလည်း ဒေါက်တာဆင်း ကွယ်လွန်မှုသည် ကြီးမားသော ပုဂ္ဂိုလ်ရေးဆုံးရှုံးမှုဖြစ်ကြောင်းနှင့် သူသည် မိတ်ဆွေ၊ အတွေးခေါ်ပညာရှင်နှင့် လမ်းပြသူတစ်ဦးဖြစ်ကြောင်း ဖော်ပြခဲ့သည်။ ထို့အပြင် သူသည် နူးညံ့သိမ်မွေ့သူဖြစ်သော်လည်း သူအလေးအနက် ကိုင်စွဲသော ခံယူချက်နှင့်ပတ်သက်၍မူ အလွန်ပြတ်သားသူဖြစ်သည်ဟုလည်း ထုတ်ပြန်ချက်တွင် သူက ထည့်သွင်းပြောကြားခဲ့သည်။

ဒေါက်တာဆင်းသည် ဒီဇင်ဘာ ၂၆ ရက်က နေအိမ်တွင် သတိလစ်သွားခဲ့ပြီးနောက် ဒေလီဆေးရုံသို့ တင်ပေးခဲ့ရသည်။ သူသည် ဇနီးဖြစ်သူ သမိုင်းပညာရှင် မစ္စ Gursharan Kaur နှင့် သမီးသုံးဦးတို့ကို ထားရစ်ခဲ့သည်။

Ref: သည်စထရိတ်တိုင်းမ်စ်