မလေးရှားနိုင်ငံ မြို့တော်ကွာလာလမ်ပူရ်အနီးတွင် နိုင်ငံပိုင် Petronas ကုမ္ပဏီ၏ ဓါတ်ငွေ့ပိုက်လိုင်း မီးလောင်သဖြင့် လူ ၃၃ ဦး ဒဏ်ရာရရှိခဲ့ကာ ၎င်းတို့ထဲမှ ခြောက်ဦးကို ဆေးရုံတင်ထားရသည်ဟု မီးသတ်ဌာနက ပြောကြားခဲ့သည်။
ဧပြီ ၁ ရက်နေ့က Putra Heights တွင် ဖြစ်ပွားခဲ့သော အဆိုပါဧရာမမီးလောင်ကျွမ်းမှုကို Subang Jaya ရှိနေရာစုံမှ မီးတောက်ကြီးများကို မြင်တွေ့ခဲ့ရသည်။ အိဒ်ပွဲတော်ကာလအတွင်း ကွာလာလမ်ပူရ်အနီးရှိ လူနေရပ်ကွက်များရှိ နေအိမ်များမှာ လူများကို ဘေးလွတ်ရာ ရှောင်ရှားစေခဲ့ရသည်။
နေအိမ်အများ မီးလောင်ကျွမ်းခဲ့ပြီးနောက် ဒေသခံခုနစ်ဦးကို ကယ်ဆယ်ခဲ့ရသည်။
ယနေ့မနက် ၈ နာရီ ၁၀ မိနစ်တွင် အရေးပေါ်ဖုန်းခေါ်ဆိုမှု လက်ခံရရှိခဲ့သည်ဟု ဖြစ်စဉ်အကြောင်း ဆက်သွယ်မေးမြန်းရာတွင် Subang Jaya မီးသတ်နှင့် ကယ်ဆယ်ရေးစခန်းမှ ပြောရေးဆိုခွင့်ရှိသူက ပြောကြားခဲ့သည်။
ခန့်မှန်းခြေ မီတာ ၅၀၀ ခန့်ရှိ ဓါတ်ငွေ့ပိုက်လိုင်း ယိုစိမ့်မှုတစ်ခုကြောင့် မီးလောင်ကျွမ်းခဲ့ခြင်းဖြစ်ကြောင်း မီးသတ်ဌာနက သတင်းထုတ်ပြန်ချက်တွင် ဖေါ်ပြထားသည်။
ယခုဖြစ်စဉ်ကြောင့် မလေးရှားအစိုးရပိုင် ရေနံကုမ္ပဏီ Petronas က ပိုက်လိုင်းအဆို့ရှင်ကို ပိတ်လိုက်ပြီဖြစ်ကြောင်းလည်း ထုတ်ပြန်ချက်တွင် ဆိုခဲ့သည်။
Ref: သည်စထရိတ်တိုင်းမ်စ်