မန္တလေးငလျင်ကြီးဒဏ်ကြောင့် ပျက်စီးဆုံးရှုံးမှုများဖြစ်ပေါ်ခဲ့သည့် မဟာမုနိဘုရားကြီးအပါအဝင် ငလျင်ဒဏ်သင့်ဒေသများအတွက် မြန်မာ-တရုတ်ချစ်ကြည်ရေးအသင်း(ဗဟို)က အလှူငွေများပေး အပ်လှူဒါန်းခဲ့ကြောင်း သိရသည်။
မြန်မာ-တရုတ်ချစ်ကြည်ရေးအသင်း(ဗဟို)ဥက္ကဋ္ဌမှ မန္တလေးငလျင်ကြီးဒဏ်သင့် မန္တလေးမြို့နှင့် စစ်ကိုင်းမြို့တို့သို့ ယနေ့ ဧပြီ (၂၁) ရက်ကသွားရောက်၍ မဟာမုနိဘုရားကြီး ဘက်စုံပြုပြင်မွန်းမံရန် အလှူငွေကျပ်သိန်း(၁၀၀)၊ ဗြဟ္မစိုရ်ပရဟိတအသင်းအား ကျပ်သိန်း(၁၂ဝ)၊ ကိုးကန့်ဗုဒ္ဓဘာသာကျောင်းအား ကျပ်သိန်း(၅၀)တို့ကို ပေးအပ်လှူဒါန်းခဲ့ကြောင်း သိရသည်။
ထို့ပြင် မြန်မာ-တရုတ်ချစ်ကြည်ရေးအသင်း(ဗဟို) ဥက္ကဋ္ဌသည် ငလျင်ဒဏ်ကြောင့်ပျက်စီးမှုများဖြစ်ပေါ်ခဲ့သည့် စစ်ကိုင်းမြို့ရှိ သာသနိကအဆောက်အဦးများ၊ ဘုရားစေတီများ၊ စစ်ကိုင်းတောင်ရိုး သီတဂူသာသနာပြု အဆောက်အဦးတို့အားကြည့်ရှု၍ ဘက်စုံပြုပြင်မွန်းမံမှုများပြုလုပ်နိုင်ရန် သီတဂူဆရာတော်ကြီးထံသို့ အလှူငွေကျပ်(၃၈၄)သိန်းကိုလှူ ဒါန်းခဲ့ကြောင်း သိရသည်။