မန္တလေးတိုင်း ဒေသကြီး၊ မဟာအောင်မြေ မြို့နယ်၊ ရဲမွန်တောင်ရပ်ကွက်၊ (၅၂)လမ်း၊ သိပ္ပံလမ်းထောင့်တွင် ဖွင့်လှစ်ထားသော KTV တစ်ခု၌ မီးလောင်မှုဖြစ်ပွားခဲ့ကြောင်း သက်ဆိုင်ရာ နယ်မြေခံ မီးသတ်တပ်ဖွဲ့မှ သိရသည်။
ယနေ့ နိုဝင်ဘာ (၁၅) ရက်၊ နံနက် အစောပိုင်း (၅)နာရီ (၃) မိနစ်အချိန်ခန့် မဟာအောင်မြေမြို့နယ်၊ သိပ္ပံလမ်းထောင့်ရှိ KTV တစ်ခု၌ မီးလောင်မှုဖြစ်ပွားကြောင်း သတင်းအရ မဟာ အောင်မြေမြို့နယ် မီးသတ်စခန်းမှ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ကြောင်း သိရသည်။
ထိုသို့ ငြှိမ်းသတ်ရာ နံနက် (၅)နာရီ (၁၅)မိနစ်အချိန်တွင် မီးငြှိမ်းသတ်နိုင်ခဲ့ပြီး ဖြစ်စဉ်ကြောင့် လူနှင့် တိရစ္ဆာန် တစ်စုံ တရာ ထိခိုက်မှု မရှိခဲ့ဘဲ မီးလောင်မှုနှင့် ပတ်သက်၍ ထိခိုက်ပျက်စီးဆုံးရှုံးမှုနှင့် မီးလောင်မှု အကြောင်းအရင်းကို သက်ဆိုင်ရာ မီးသတ်တပ်ဖွဲ့မှ ဆက်လက်စစ်ဆေးသွားမည်ဖြစ်ကြောင်း သိရသည်။
ထို့အတူ ယမန်နေ့ နိုဝင်ဘာ (၁၄)ရက်၊ ည (၁၀)နာရီ မိနစ် (၅၀)အချိန်ကလည်း အမရပူရမြို့နယ် မယ်ဇယ်တန်းတွင် လူနေအိမ် မီးလောင်မှုဖြစ်ပွားခဲ့သေးရာ သက်ဆိုင်ရာ နယ် မြေခံ မီးသတ်တပ်ဖွဲ့မှ သွားရောက်ငြှိမ်းသတ်ခဲ့ရပြီး ည (၁၀)နာရီ၊ (၅၈) မိနစ်အချိန်တွင် မီးငြှိမ်းသတ်နိုင်ခဲ့ကြောင်း သိရသည်။
