နေပြည်တော်၊ဒက္ခိဏသီရိမြို့နယ်ရှိ မာရဝိဇယ ဗုဒ္ဓရုပ်ပွားတော်မြတ်ကြီး၏ ဗုဒ္ဓဥယျာဉ်တော်ဝ တ္ထုကံတော်အတွင်းရှိ ရေပန်းရင်ပြင်တော်၌ ဒုတိ ယအကြိမ် မသိုးသင်္ကန်းရက်လုပ်ပူဇော်ပွဲအား နိုဝင်ဘာ ၁၄ ရက်ညနေပိုင်းကကျင်းပရာ ရက်ကန်းစင်တော်(၁၅)ခုက ရက်လုပ်လျက်ရှိသည်။
အဆိုပါ ဒုတိယအကြိမ် မသိုးသင်္ကန်းရက်လုပ်ပူဇော်ပွဲဖွင့်ပွဲသို့ နစက ဥက္ကဋ္ဌ၊ နိုင်ငံတော်ဝန်ကြီး ချုပ် ဗိုလ်ချုပ်မှူးကြီးမင်းအောင်လှိုင်နှင့်ဇနီးတို့တက်ရောက်၍ ဖဲကြိုးဖြတ်ဖွင့်လှစ်ပေးခဲ့ကြသည်။
ဖဲကြိုးဖြတ်ဖွင့်လှစ်ပြီးနောက် မာရဝိဇယဗုဒ္ဓရုပ် ပွားတော်မြတ်ကြီး၏ ဂေါပကအဖွဲ့ဝင် ဦးသန့်ဆွေက မင်္ဂလာရွှေမောင်းကို တီးခတ်အချက် ပေးရာ ရက်ကန်းအဖွဲ့(၁၅)ဖွဲ့မှ သက်ဆိုင်ရာ ရက်ကန်းစင်တော်များ၌ မသိုးရွှေကြာသင်္ကန်းတော်များကို စတင်ရက်လုပ်ရာ တက်ရောက်လာကြသူများက မီးပုံးပျံငယ်များနှင့် မိုးပျံပူဖောင်းများကိုတစ်ပြိုင်နက်လွှတ်တင်ခဲ့ကြသည်။
ထို့အတူ နစက ဥက္ကဋ္ဌနှင့်ဇနီးတို့မှ နေပြည်တော်အပါအဝင် တိုင်းနှင့်ပြည်နယ်အသီးသီးမှ ရက် ကန်းစင်တော်များတွင် မသိုးရွှေကြာသင်္ကန်းရက် လုပ်နေမှုများကို ရက်ကန်းစင်တော်တစ်ခုချင်းစီအလိုက် လှည့်လည်ကြည့်ရှုအားပေးခဲ့ကာ စိန် နားပန်မီးပုံးပျံများနှင့်ညမီးကျည်(ညမီးကြီး) မီး ပုံပျံများလွှတ်တင်မှုများကို ကြည့်ရှုခဲ့ကြသည်။
မာရဝိဇယ ဗုဒ္ဓရုပ်ပွားတော်မြတ်ကြီး၏ ဗုဒ္ဓဥ ယျာဉ်တော်အတွင်း၌ တန်ဆောင်တိုင်မီးထွန်းပွဲတော်အား နိုဝင်ဘာ ၁၃ ရက်မှ ၁၅ ရက်အထိ ဖျော်ဖြေပွဲများ၊ မီးရှူးမီးပန်းများပစ်လွှတ်ပူဇော်ခြင်း၊ အလှညမီးကြီးနှင့် စိန်နားပန်မီးပုံးပျံကြီးများလွှတ်တင်ပူဇော်ခြင်းတို့အပြင် ဗုဒ္ဓဥယျာဉ်ဝတ္ထုကံတော်အတွင်း LED မီးများဖြင့် အလှဆင်ပူဇော်ထားကာ အသေးစား၊ အငယ်စားနှင့်အ လတ်စားစီးပွားရေး(MSME)လုပ်ငန်းများ၏ ဒေ သထွက်ကုန်၊ ဒေသထွက်မြန်မာ့ရိုးရာစား သောက်ကုန်၊ လူသုံးကုန်ပစ္စည်း အရောင်းဆိုင်ခန်းများ၊ ဒေသထွက်မုန့်ဆိုင်ခန်းများခင်းကျင်းပြသရောင်းချမှုများနှင့်အတူ စည်ကားသိုက် မြိုက်စွာကျင်းပလျက်ရှိသည်။
