မြန်မာနိုင်ငံဆိုင်ရာ တရုတ်သံအမတ်ကြီး နေပြည်တော်ရှိ ယူနန်ပြည်နယ် ကယ် ဆယ်ရေးအဖွဲ့များကို သွားရောက် အားပေး

မြန်မာနိုင်ငံဆိုင်ရာ တရုတ်သံအမတ်ကြီး Ms. Ma Jia သည် ယခု ဧပြီ(၁)ရက်နေ့မှ (၃)ရက်နေ့အထိ နေပြည်တော်တွင် ကူညီကယ်ဆယ်ရေးများလုပ်ဆောင်နေသည့် ယူနန်ပြည်နယ် ကယ်ဆယ်ရေးအဖွဲ့များကို သွားရောက် ကြည့်ရှုလေ့လာကာ အားပေးစကားပြောကြားခဲ့ကြောင်း သိရသည်။

အဆိုပါ ယူနန်ပြည်နယ် ကယ်ဆယ်ရေးအဖွဲ့သည် ငလျင်လှုပ်ခတ်ပြီး ၁၈ နာရီအကြာ မြန်မာနိုင်ငံကို ရောက်ရှိလာပြီး အသက်ရှင်ကျန်ရစ်သူများကို ကယ်ဆယ်နိုင်သော ပထမဆုံးနိုင်ငံတကာကယ်ဆယ်ရေးအဖွဲ့ ဖြစ်ခြင်း‌ကြောင့် ကျေးဇူးတင်စကား ပြောကြားခဲ့သည်။

ထို့အပြင် မြန်မာနိုင်ငံ ငလျင်ကယ်ဆယ်ရေးနှင့် ငလျင်ဘေးအလွန် ပြန်လည်ထူထောင်ရေးလုပ်ငန်းများတွင်လည်း ဆက်လက်ပါဝင်ကူညီရန် သံအမတ်ကြီး Ms. Ma Jia ကတိုက်တွန်းပြောကြားခဲ့သည်။

သံအမတ်ကြီး Ms. Ma Jia သည် လူနာလက်ခံရေးနှင့် ဆေးကုသရေး အကြီးဆုံးနေရာဖြစ်သည့် နေပြည်တော်ကုတင် (၁၀၀၀)အထွေထွေရောဂါကုဆေးရုံသို့လည်းကောင်း၊ လူမှုဘဝအတွက် အရေးပါသည့် ပစ္စည်းများဖြန့်ဝေရေးစင်တာဖြစ်သည့် သပြေကုန်းစျေးသို့ လည်းကောင်း၊ ဘေးဒဏ်ဆိုးဝါးစွာခံစားခဲ့ရသည့် ပျဉ်းမနားမြို့နယ်သို့လည်းကောင်း သွားရောက်၍ ငလျင်လွန်ပြန်လည်ထူထောင်ရေး၊ ကျန်းမာရေးစောင့်ရှောက်မှုနှင့် ထောက်ပံ့ပစ္စည်းများဖြန့်ဝေမှု စသည့်အခြေအနေများကို ကြည့်ရှုလေ့လာခဲ့သည်။