မြန်မာနိုင်ငံတွင် ငလျင်လှုပ်ခတ်ခဲ့သည့်အပေါ် များစွာကြေကွဲဝမ်းနည်းရသည်ဟု ယနေ့မတ်လ(၂၉)ရက်၌ နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ထံ အိိန္ဒိယနိုင်ငံဝန်ကြီးချုပ် မစ္စတာ နာရန်ဒရာမိုဒီဖုန်းဖြင့် ဆက်သွယ်ပြောကြားခဲ့ကြောင်း သိရသည်။
ထိုဆက်သွယ်ပြောကြားမှုတွင် အိိန္ဒိယနိုင်ငံဝန်ကြီးချုပ် မစ္စတာ နာရန်ဒရာမိုဒီ က မြန်မာနိုင်ငံအတွင်းဖြစ်ပေါ်ခဲ့သည် ကြောက်မက်ဖွယ်ဆိုးရွားသည့် ငလျင် လှုပ်ခတ်မှုကို ကြားသိခဲ့ရအတွက် အိန္ဒိယနိုင်ငံသားများအနေဖြင့် မြန်မာနိုင်ငံ၏ ထိခိုက်ပျက်စီးဆူံရှုံးမှုအပေါ်များစွာကြေကွဲဝမ်းနည်းရကြောင်း ပြောကြားခဲ့သည်။
OperationBrahma၏အစိတ်အပိုင်းအနေဖြင့် ဘေးသင့်ဒေသများသို့ ကယ်ဆယ်ရေးပစ္စည်းများ၊ လူသားချင်းစာနာထောက်ထားမှုဆိုင်ရာအကူအညီများနှင့် ရှာဖွေကယ်ဆယ်ရေးအဖွဲ့များကို အမြန်ဆုံးစေလွှတ်ဆောင်ရွက်ပေးလျက်ရှိသည် ဟုပြောကြားခဲ့ကြောင်းသိရသည်။
” အဆွေတော်အခုလိုအားပေးစကားပြောတာရယ် နောက် သတင်းဌာနတွေမှာလည်း အဆွေတော်တို့ဘက်ကနေပြီးတော့ ကယ်ဆယ်ရေးပစ္စည်းတွေနဲ့ လူတွေလွှတ်ပြီးဆိုတာ ကျွန်တော် အများကြီးအားရှိပါတယ်။”ဟု နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ကျေးဇူးတင်စကားဆိုသည်။
ယနေ့ နံနက်ပိုင်းတွင် ကယ်ဆယ်ရေးပစ္စည်းများတင်ဆောင်ထားသည့် လေယာဉ်မှာ မြန်မာနိုင်ငံသို့ဆိုက်ရောက်ခဲ့ပြီးဖြစ်ကာ ၊ ကူညီကယ်ဆယ်ရေးလုပ်ငန်းများဆောင်ရွက်သွားမည်ဖြစ်ကြောင်း သိရသည်။