မြန်မာနိုင်ငံအတွက်လိုအပ်သည့် အကူအညီများပေးရန်နှင့်ပြည်သူများ၏နေအိမ်များကို အမြန်ဆုံးပြန်လည်တည်ဆောက်နိုင်ရန်ကူညီပေးသွားမည်ဟု တရုတ်သမ္မတပြော

အလွန်ပြင်းထန်သည့် ငလျင်ဒဏ်ခံစားခဲ့ရသည့် မြန်မာနိုင်ငံအတွက်လိုအပ်သည့် အကူအညီများ ပေးရန်နှင့်ပြည်သူများ၏နေအိမ်များကို အမြန်ဆုံးပြန်လည်တည်ဆောက်နိုင်ရန်ကူညီပေးသွားမည်ဟု တရုတ်သမ္မတ ရှီကျင့်ဖျင်က နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်ထံ သဝဏ်လွှာပေးပို့၍ ပြောဆိုခဲ့သည်။

မြန်မာနိုင်ငံ၌ပြင်းထန်သော ငလျင်ဘေးဒဏ်ကိုခံနေရပြီး အ‌ေ-သအပျောက်နှင့် စည်းစိမ်ဥစ္စာများဆုံးရှုံးမှု ကြီးမားစွာကြုံတွေ့နေရသည်ကို တရုတ်အစိုးရနှင့် ပြည်သူတို့ကိုယ်စား‌ေ-သဆုံးသူများအတွက် လေးလေးနက်နက်ဝမ်းနည်းကြေကွဲကာ ‌ေ-သဆုံးသူများ၏ မိသားစုများ၊ ထိခိုက်ဒဏ်ရာရရှိသူများနှင့် သဘာဝဘေးသင့်ပြည်သူများအား အလေးအနက် ဝမ်းနည်းကြောင်းပြောကြားလိုသည်ဟု ပြောကြားခဲ့သည်။

ထို့ပြင် တရုတ်နိုင်ငံသည် မြန်မာနိုင်ငံအတွက် လိုအပ်သော အကူအညီများပေးအပ်ရန်နှင့်ပြည်သူများ သဘာဝဘေးဒဏ်ကိုကျော်လွှားပြီး နေအိမ်များကို အမြန်ဆုံးပြန်လည်တည်ဆောက်နိုင်ရန် ကူညီပေးသွားရန် ဆန္ဒရှိသည်ဟုလည်း တရုတ်နိုင်ငံသမ္မတက ပြောကြားခဲ့သည်။

ထို့အတူ တရုတ်နိုင်ငံတော်ကောင်စီ ဝန်ကြီးချုပ် Mr. Li Qiang မှလည်း မြန်မာနိုင်ငံတွင် မြေငလျင် လှုပ်ခတ်မှုနှင့်ပတ်သက်၍ ဗိုလ်ချုပ်မှူးကြီးမင်းအောင်လှိုင်ထံ ကရုဏာကြောင်းသဝဏ်လွှာပေးပို့ခဲ့သည်။