မြန်မာနိုင်ငံ၌ ငလျင်ဘေးကြုံတွေ့နေခြင်းအတွက် နစက ဥက္ကဋ္ဌထံ နိုင်ငံတကာခေါင်းဆောင်များက ဝမ်းနည်းကြောင်းသဝဏ်လွှာများပေးပို့

ပြီးခဲ့သည့် မတ် ၂၈ ရက်မွန်းတည့်ပိုင်းက နေပြည် တော်၊ မန္တလေးတိုင်းနှင့် စစ်ကိုင်းတိုင်းတို့အပါအ ဝင် တိုင်းနှင့်ပြည်နယ်အချို့၌ အင်အားအလွန်ပြင်း ထန်သော ငလျင်လှုပ်ခတ်ကာ သေဆုံး/ထိခိုက်ဒဏ် ရာရမှုများနှင့် အဆောက်အဦးပြိုကျပျက်စီးမှုများဖြစ်ပေါ်ခဲ့၍ နစက ဥက္ကဋ္ဌထံသို့ နိုင်ငံတကာမှခေါင်းဆောင်များက ဝမ်းနည်းကြောင်းသဝဏ်လွှာများပေးပို့ခဲ့ကြသည်။

တရုတ်နိုင်ငံသမ္မတ မစ္စတာရှီကျင့်ဖျင်၊ တရုတ်နိုင်ငံ ဝန်ကြီးချုပ် မစ္စတာ လီချမ်း၊ ကမ္ဘောဒီးယားဘုရင်မင်းမြတ် ပရယ်ဘတ်ဆမ်ဒတ် ပရယ်ဘိုရိုနိုနစ်နိုရိုဒွန်သီဟာမိုနီ၊ ကမ္ဘောဒီးယား အထက်လွှတ်တော် ဥက္ကဋ္ဌ ဆမ်ဒတ်အာခါမိုဟာဆီနာပါဒိုင်းတဲ့ချိုဟိုဆန်၊ ကမ္ဘောဒီးယားနိုင်ငံဝန်ကြီးချုပ် ဟွန်မာနိုက်၊ ဘရူနိုင်းနိုင်ငံ ဘုရင်မင်းမြတ် ဆူလ်တန် ဟာဂျီဟာဆာနာလ်ဘိုလ်ကီးယားမူအစ်ဇာဒင်ဝါဒူလာ၊ နီကာရာဂွာနိုင်ငံသမ္မတ ဒယ်နီရယ်အော်တီဂါဆာဗေဒရာ နှင့် ဒု-သမ္မတ ရိုဆာရီမူရီလိုတို့က ဝမ်းနည်းကြောင်းသဝဏ်လွှာများကို အသီးသီးပေးပို့ခဲ့ကြသည်။

သဝဏ်လွှာများတွင် မြန်မာနိုင်ငံအနေဖြင့် ပြင်းထန်သည့် ငလျင်ဒဏ်ခံစားခဲ့ရပြီး အသက်အိုးအိမ်စည်း စိမ် အများအပြားထိခိုက်ဆုံးရှုံးရသည်ကို သိရှိရသည့်အတွက် များစွာဝမ်းနည်းမိကြောင်း၊ ငလျင်ဒဏ်ခံစားရသည့် ပြည်သူများအတွက် ဝမ်းနည်းစိတ်မကောင်းဖြစ်မိကြောင်း၊ ငလျင်ဒဏ်ကြောင့် ထိခိုက်ဒဏ်ရာရရှိသူများနှင့် ၎င်းတို့၏ မိသားစုဝင်များအတွက် စာနာထောက်ထားကြောင်း၊ မြန်မာနိုင် ငံအတွက် လိုအပ်သည့်အကူအညီများပေးရန် အ ဆင်သင့်ရှိကြပြီး ထိခိုက်ခံစားရသည့် မြန်မာပြည်သူများဘေးအန္တရာယ်ကျော်လွှားနိုင်ရေးနှင့် မြန်မာ နိုင်ငံကို အစောဆုံးပြန်လည်တည်ဆောက်နိုင်ရေးအကူအညီများပေးအပ်သွားမည်ဖြစ်ကြောင်းတို့ကို ရေးသားထားကြသည်။

မြန်မာနိုင်ငံအစိုးရ၏ ခိုင်မာအားကောင်းသည့် ဦး ဆောင်မှုအောက်တွင် ငလျင်ဒဏ်သင့်ဒေသများရှိ မြန်မာပြည်သူများအနေဖြင့် ဘေးအန္တရာယ်များကို အောင်မြင်စွာကျော်လွှားနိုင်ပြီး ကောင်းမွန်သည့်လူ မှုဘဝကို အမြန်ဆုံးပြန်လည်တည်ဆောက်နိုင်မည်ဟုယုံကြည်ကြောင်း၊ ငလျင်ဖြစ်ပွားခဲ့သည့် ဒေသများ၌ ကယ်ဆယ်ရေးလုပ်ငန်းများကို ရွပ်ရွပ်ချွံချွံ ဆောင်ရွက်နေမှုများအား ချီးကျူးဂုဏ်ပြုကြောင်း၊ ငလျင်ကြောင့်အသက်ဆုံးရှုံးရသူများအနေဖြင့် အေးချမ်းကောင်းမွန်သော ဘဝသို့ရောက်ရှိပါစေကြောင်းနှင့် ထိခိုက်ဒဏ်ရာရရှိသူများအနေဖြင့် အမြန်ဆုံးပြန်လည်ကျန်းမာလာစေရန် ဆုမွန်ကောင်း တောင်းပါကြောင်း၊ ယခုကဲ့သို့ခက်ခဲသည့် အချိန်ကာလတွင် မြန်မာပြည်သူများနှင့်အတူတကွရပ် တည်လျက်ရှိကြောင်းတို့ကိုလည်း ရေးသားထားကြသည်။