မြန်မာ့ငလျင်ဘေးဒဏ်အား ကူညီကယ်ဆယ်မှုများပြုလုပ်ရန် ထိုင်းတော်ဝင်ကြည်းတပ်၏ အထူးတပ်ဖွဲ့ဝင်(၅၅)ဦးကိုစေလွှတ်ခဲ့

ပြီးခဲ့သည့် မတ် ၂၈ ရက်မွန်းတည့်ပိုင်းကလှုပ်ခတ်ခဲ့သည့် ငလျင်ဒဏ်ကြောင့် ‌ေ-သဆုံးမှုများ၊ ထိခိုက်ဒဏ်ရာရသူများနှင့် ပျက်စီးဆုံးရှုံးမှုများအတွက် ကူညီကယ်ဆယ်မှုများပြုလုပ်နိုင်ရန် ထိုင်းနိုင်ငံမှ ထိုင်းတော်ဝင်ကြည်းတပ်ဖွဲ့၏ အထူးတပ်ဖွဲ့ဝင် (၅၅)ဦးကို ယနေ့ မတ် ၃၀ ရက်ကစေလွှတ်ခဲ့ကြောင်း သိရသည်။

၎င်းတို့သည် ငလျင်ဘေးဒဏ်ကြောင့် မြန်မာနိုင်ငံတွင်ကြုံတွေ့နေရမှုများကို ကူညီပေးသွားမည်ဖြစ်ကာ နေပြည်တော်နှင့် မန္တလေးတိုင်းတို့တွင်ရောက်ရှိနေသည့် ထိုင်းလူမျိုးများကိုလည်း ကူညီကယ်ဆယ်မှုများပြုလုပ်ပေးသွားမည်ဖြစ်ကြောင်း သိရသည်။

အဆိုပါ ကူညီကယ်ဆယ်ရေးအဖွဲ့တွင် စီမံခန့်ခွဲရေးအဖွဲ့ ၊ စစ်ဗိုလ်များပါဝင်သောအဖွဲ့၊ ရှာဖွေရေးနှင့်ကယ်ဆယ်ရေးအဖွဲ့၊ အရေးပေါ်ကူညီနိုင်ရန်ဆေးအဖွဲ့၊ ပျက်စီးဆုံးရှုံးမှုများအားစစ်ဆေးရေးအဖွဲ့နှင့် ဆက်သွယ်ရေးအဖွဲ့များပါဝင်ကာ ရန်ကုန်မြို့ရှိ မြန်မာနိုင်ငံဆိုင်ရာ ထိုင်းသံရုံးမှလည်း ထိုင်းစစ်သံမှူး၊ ပထမအတွင်းဝန်၊ ဒုတိယအတွင်းဝန်နှင့် သံရုံးဝန်ထမ်းများပူးပေါင်းပါဝင်ဆောင်ရွက်သွားမည်ဖြစ်ပြီး လိုအပ်သည့် အထောက်အပံ့များကို အစွမ်းကုန်ပေးအပ်သွားမည်ဖြစ်ကြောင်း သိရသည်။