မြန်မာ့ငလျှင်ကို ထိပ်တန်းအ​ရေး​ပေါ်သတ်မှတ်လာ

မတ်၂၈ ငလျင်သည် ဘူမိဗေဒပြတ်ရွေ့များ သိသာထင်ရှားမှုက ကီလို ၁၀၀ နှင့် ၁၅၀ ကြား ​ရွေ့​လောက်သည်ဟု ဂျပန်ပညာရှင်များ သုံးသပ်ကြသည်။ ပြတ်ရွေ့တစ်ခုမှာ ကျောက်သားများ အလျားလိုက်ဆန့်ကျင်ဖက် ရွေ့ပြီးငလျှင်လှိုင်းဖြစ်​စေခြင်းဖြစ်သည်။ ကြီးမားသော ပထဝီဝင်ပုံစံပြောင်းလဲမှုများကို ငလျှင်က ဖြစ်စေသည်ကိုတွေ့မြင်ရသည့်ချိန်လည်းဖြစ်သည်။

မြေမျက်နှာပြင်ကွဲခြင်းများအပြင်  မြေအောက်ရေစီးဆင်းမှုပြောင်းလဲမှု၊ သဲမြေအရည်ပျော်ခြင်း၊ ရွှံ့များတက်လာခြင်း၊ ​ရေထွက်လာခြင်း တို့လည်း​ဖြစ်​ပေါ်​နေ​ကြောင်း​ဒေသခံများ၏ လူမှုကွန်ယက်တွင်​တွေ့​နေရသည်။

အင်း​လေးသည်လည်း ငလျှင်​ကြောင့်မကြုံဖူး​သော ​နောက်ဆက်တွဲများဖြစ်​ပေါ်​နေ​ကြောင်းကြား​နေရသည်။ရွာငံရှိ နာမည်​ကျော်​ရေပြာအိုင်သည်လည်း ​​​ဗွက်​​ရေကဲ့သို့ ​နောက်​နေသည်။စစ်ကိုင်းဖက်က ပိုဆိုးသည်ဟုလည်းဆိုကြသည်။စစ်ကိုင်းတွင် ကယ်ဆယ်​ရေးမတွင်ကျယ်နိုင်​သေးသဖြင့် လူ​သေ အပုပ်နံ့များ ထွက်​လာ​နေ​ကြောင်းလည်း ​ပြောကြသည်။​နေပြည်​တော်လည်း ခုချိန်ထိ အပြင်တွင်သာ ထွက်အိပ်​နေသည့်အ​ခြေအ​နေဖြစ်သည်။မန္တ​လေး တွင် ကျွဲဆည်ကန်ဖက်၊အမရပူရဖက်ကပိုဆိုးပြီး ငလျှင်အ​သေးကလည်း အကြိမ် ၇၀ ​လောက်ရှိ​နေပြီဟုဆိုကာ အချို့ အ​ဆောက်အဦးများမှာ တုန်ခါမှု ရှိ​နေဆဲဖြစ်၍ အ​ဆောက်ဦးများထဲသို့လည်း မဝင်ရဲသည့်အ​ခြေအ​နေဖြစ်သည်။

ပညာရှင်များက တပတ်မှ တလ ထိ သတိထား​နေသင့်​ကြောင်းအဆိုပြု​နေကြသည်။ ဆူနာမီလည်း သတိထား​နေရမည်ဟု ဆိုကြသည်။

Photo-CJ