နေပြည်တော်တွင် ကျင်းပမည့် ၂၀၂၄ ခုနှစ် မြန်မာ့ရုပ်ရှင်ထူးချွန်ဆု ချီးမြှင့်ပွဲအခမ်းအနားအတွက် အကယ်ဒမီဆုဗန်းကိုင်ဆောင်ရန် ရွှေကြိုများခေါ်ယူကြောင်း မြန်မာနိုင်ငံရုပ်ရှ င်အစည်းအရုံးထံမှ သိရသည်။
ရွှေကြိုအဖြစ် လျှောက်ထားသူများသည် ယခုနှစ် ဒီဇင်ဘာလ(၃၁)ရက်တွင် အသက်(၁၆)နှစ် ပြည့်ပြီးသူနှင့် အသက် (၂ ၅)နှစ် မကျော်လွန်သူဖြစ်ရမည်ဖြစ်ကာ အိမ်ထောင်မရှိသူ အပျို/လူပျို ဖြစ်ရမည်ဟု ဆိုသည်။
ထိုနည်းတူ အမျိုးသမီး အရပ်အမြင့်မှာ (ဖိနပ်မပါ) ၅ ပေ ၂ လက်မမှ ၅ ပေ ၈ လက်မ အတွင်း ဖြစ်ရမည်ဖြစ်ကာ အမျိုးသား၏ အရပ်အမြင့်မှာ (ဖိနပ်မပါ) ၅ ပေ ၆ လက်မ မှ ၆ ပေ အထိ ဖြစ်ရမည်ဟု သိရသည်။
ထို့ပြင် ကျန်းမာရေးကောင်းမွန်သူ၊ အကျင့်စာရိတ္တကောင်းမွန်သူနှင့် ကိုယ်ခန္ဓာအချိုးအစား ပြေပြစ်သူဖြစ်ရမည် ဖြစ်ကာ လျှောက်လွှာများကို မြန်မာနိုင်ငံ ရုပ်ရှင်အစည်းအရုံး၊ အမှတ်(၁၆)၊ ဝင်္ဂဘာလမ်း၌ နိုဝင်ဘာလ(၂၆)ရက်တွင် စတင်ထုတ်ယူနိုင်ပြီး ဒီဇင်ဘာလ(၆)ရက် ညနေ(၄)နာရီမတိုင်မီ နောက်ဆုံးထား လျှောက်ထားနိုင်ကြောင်း သိရသည်။
အရွေးချယ်ခံရသည့် ရွှေကြိုမောင်မယ်များအတွက် ရှေ့ဆက်မည့် အနုပညာလုပ်ငန်းအစီအစဉ်များ သီးခြားရှိကြောင်း မြန်မာနိုင်ငံ ရုပ်ရှင်အစည်းအရုံးက အသိပေးကြေညာထား သည်။