မြန်မာ-ထိုင်းနယ်စပ်တစ်လျှောက်ရှိ Online ငွေ ကြေးလိ-မ်လ-ည်မှုများပပျောက်ရန် နှစ်နိုင်ငံအစိုးရနှင့်တပ်မတော်ကြားပူးပေါင်းဆောင်ရွက်သင့်သည်များကို နစက ဒု-ဥက္ကဋ္ဌ၊ ဒု-ဗိုလ်ချုပ်မှူးကြီး စိုးဝင်းနှင့် ထိုင်းဘုရင့်ကြည်းတပ်ဦးစီးချုပ်ရုံး၊ အကြံပေးဘုတ်အဖွဲ့ဥက္ကဋ္ဌနှင့် Army Operations Center Neighboring Countries Coordination Center (NCCC) General Direk Bongkarn တို့ဆွေးနွေးခဲ့ကြသည်။
ဒု-ဗိုလ်ချုပ်မှူးကြီးစိုးဝင်းမှ ထိုင်းဘုရင့်ကြည်း တပ်ဦးစီးချုပ်ရုံး၏ General Direk Bongkarn အား ယနေ့ ဇန်နဝါရီ ၂၁ ရက်မွန်းလွဲပိုင်းက နေပြည်တော်၌ လက်ခံတွေ့ဆုံခဲ့သည်။
တွေ့ဆုံစဥ် မြန်မာ-ထိုင်းနယ်စပ်ဒေသတွင်ဖြစ် ပွားလျက်ရှိသည့် တရားမဝင်လူကု-န်ကူးမှုများ၊ Online ငွေကြေးလိ-မ်လ-ည်မှုများပပျောက်ရေးအတွက် နှစ်နိုင်ငံအစိုးရနှင့်တပ်မတော်ကြားပူးပေါင်းဆောင်ရွက်သင့်သည်များကို ဆွေးနွေးခဲ့ကြသည်။
ထို့အတူ ထိုင်းနိုင်ငံမှ မြန်မာရေပိုင်နက်အတွင်း တရားမဝင်ငါးဖမ်းလှေနှင့် လှေလုပ်သားများအ ပေါ် မြန်မာနိုင်ငံမှအရေးယူထားရှိမှုနှင့် ဆက် လက်ဆောင်ရွက်လိုသည့် အစီအစဉ်များ၊ နယ် စပ်ဒေသတည်ငြိမ်အေးချမ်းရေးအတွက် သ တင်းအချက်အလက်များအပြန်အလှန်ဖလှယ်ရေးတို့ကို ဆွေးနွေးခဲ့ကြသည်။
ထို့ပြင် မြန်မာ-ထိုင်းနှစ်နိုင်ငံနှင့်တပ်မတော်နှစ်ရပ်ကြား သံတမန်ဆက်ဆံရေးနှင့် ချစ်ကြည်ရင်း နှီးမှုများကောင်းမွန်လျက်ရှိမှု၊ တပ်မတော်နှစ်ရပ်ကြား ခေါင်ဆောင်များနှင့်အဆင့်မြင့်တပ်မတော်အရာရှိကြီးများ အချင်းချင်းဆက်ဆံရေးတိုး တက်ကောင်းမွန်လျက်ရှိကာ ပူးပေါင်းဆောင် ရွက်မှုများတိုးတက်ကောင်းမွန်လျက်ရှိမှု၊ နှစ်နိုင် ငံတပ်မတော်နှစ်ရပ်ကြား အဆင့်အလိုက်အစည်းအဝေးများကို နှစ်စဉ်အောင်မြင်စွာကျင်းပနိုင်မှုတို့ကို ဆွေးနွေးခဲ့ကြသည်။
ထို့အတူ တပ်မတော်နှစ်ရပ်ကြား အဆင့်မြင့်တပ်မတော်အရာရှိကြီးများ ချစ်ကြည်ရေးခရီးများ လည်ပတ်ရေးနှင့် ပူးပေါင်းဆောင်ရွက်မှုများတိုးမြှင့်ဆောင်ရွက်ရေးတို့ကိုလည်း ဆွေနွေးခဲ့ကြသည်။
