ဒီဇင်ဘာ (၂၈)ရက်၌ အသက် (၁၅)နှစ်အောက် လူငယ်ဘောလုံးလိဂ်ပြိုင်ပွဲ အဖွင့်ပွဲစဉ်ကို ရန်ကုန်မြို့ MFF Training Field 1 နှင့် 2 တွင် စတင်ယှဉ်ပြိုင်လျက်ရှိသည်။
ယမန်နေ့ Week-1အဖွင့်ပွဲစဉ်တွင် Royal Yangon FC အသင်းနှင့် The Honour FCအသင်းတို့ ယှဉ်ပြိုင်ကစားရာ Royal Yangon FC အသင်းက (၇)ဂိုးသွင်းယူ၍ ဂိုးပြတ်ဖြင့်အနိုင်ရခဲ့သည်။
ထို့အတူ Mingalardon City FCအသင်းနှင့် Yangon Focus FCအသင်းတို့ယှဉ် ပြိုင်ကစားရာ Yangon Focus FC အ သင်းက (၂)ဂိုးသွင်းယူ၍ တစ်ဂိုးအသာဖြင့် အနိုင်ရရှိခဲ့သ ည်။
ပြိုင်ပွဲအား အသင်း (၁၂) သင်းပါဝင်ယှဉ်ပြိုင်မည်ဖြစ်ကာ Week-1ပွဲစဉ် များကို MFF Training Field (1)နှင့် (2)၌ ယှဉ် ပြိုင်ကစားနေခြင်းလည်းဖြစ်သည်။
အဆိုပါ FIFA-MFF U15 Boys League 2024-2 025 (ရန်ကုန်ဇုန်) ပြိုင်ပွဲသို့ The Honour FC၊ Mingalardon City FC၊ Southern Yangon Star FC၊ Burmese Youth FC၊ Artharwady FC၊ Golden Light FC၊ Mya Thida FC၊ Mar Rein FC၊ Yangon Taungzalatt FC၊ Shwe Phi Thar FC၊ Yangon Focus FC၊ Royal Yangon FC တို့ ပါဝင်ယှဉ်ပြိုင်ကြမည်ဖြစ်သည်။
မြန်မာနိုင်ငံ ဘောလုံးအဖွဲ့ချုပ်အနေဖြင့် လူငယ်မျိုးဆက်သစ်များ ဘောလုံးလှုပ်ရှားမှုများတွင် ပါဝင်လာရေး၊ ပြည်တွင်း လူငယ်ပြိုင်ပွဲများ စဉ်ဆက်မပြတ် ကျင်းပနိုင်ရေး၊ မျိုးဆက်သစ် လူငယ်ကစားသမားများ ပေါ်ထွက်လာရေး၊ FIFA, AFC, AFF လူငယ်ပြိုင်ပွဲများတွင် မြန်မာ့လက်ရွေးစင် လူငယ်အသင်းများ အောင်မြင်မှု ရရှိရေးအတွက် ရည်ရွယ်၍ ဖီဖာလမ်းညွှန်ချက်များနှင့်အညီ နှစ်စဉ် ကျင်းပပေးလျက်ရှိကြောင်း အဖွဲ့ချုပ်က အသိပေးထုတ်ပြန်ထားသည်။