ဘန်ကောက်၊စက်တင်ဘာ ၁၈
တိုက်ဖွန်းယာဂီကြောင့် လူအေ-သအပျောက်များသည့် ရေကြီးမှုနှင့်မြေပြိုမှုများဖြစ်ပေါ်ခဲ့ပြီး အဆိုပါအခြေအနေသည် အရှေ့တောင်အာရှတစ်ဝန်းရှိ ကလေ-းငယ်ပေါင်း ၆ သန်းနီးပါးကို ထိခိုက် စေခဲ့ကြောင်း ကုလသမဂ္ဂကပြောကြားခဲ့သည်။
တိုက်ဖွန်းယာဂီသည် ဗီယက်နမ်၊ထိုင်း၊လာအိုနှင့် မြန်မာနိုင်ငံတို့ကို လွန်ခဲ့သည့် သီတင်းနှစ်ပတ်နီးပါးက ဖြတ်ကျော်ဝင်ရောက်ခဲ့ပြီး မုန်တိုင်းအရှိန်ကြောင့်လေပြင်းများတိုက်ခတ်ကာမိုးသည်းထန်စွာရွာသွန်းခဲ့သည်။
ထိုင်းနိုင်ငံ၌ ယနေ့စက်တင်ဘာ ၁၈ တွင် ေ-သဆုံးသူ ၃ ဦးထပ်တိုးကာ စုစုပေါင်းေ-သဆုံးသူ ၁၈ ဦးရှိခဲ့ပြီး ဒေသတွင်းစုစုပေါင်းေ-သဆုံးသူသည် ၅၃၇ ဦးအထိဖြရှိလာခဲ့သည်။
ယာဂီကြောင့် အရှေ့တောင်အာရှတစ်ခွင်ရှိ ကလေ-းငယ်ပေါင်း ခြောက်သန်းအထိ ထိခိုက်ခံစားခဲ့ရကာ သောက်သုံးရေသန့်၊ပညာရေး၊ကျန်းမာရေးစောင့်ရှောက်မှု၊စားနပ်ရိက္ခာနှင့် အမိုးအကာများ အားလုံးဆုံးရှုံးခဲ့ရသည်ဟု ကုလသမဂ္ဂ ကလေ+းသူငယ်အေဂျင်စီ ယူနီဆက်ဖ်ကပြောကြားခဲ့သည်။
တိုက်ဖွန်းယာဂီကြောင့် ထိခိုက်လွယ်ဆုံးဖြစ်သည့် ကလေ+းများနှင့်မိသားစုများသည် အဆိုးရွားဆုံးသောနောက်ဆက်တွဲအကျိုးဆက်များကို ရင်ဆိုင်နေရကြောင်းလည်း ယူနီဆက်ဖ်၏ အရှေ့အာရှနှင့်ပစိဖိတ်ဒေသဆိုင်ရာဒါရိုက်တာ June Kunugi ကပြောကြားခဲ့သည်။
ဗီယက်နမ်၌မူ သောက်သုံးရေနှင့် မိလ္လာစနစ်ချို့တဲ့မှုများကြောင့် လူပေါင်း ၃ သန်းခန့်သည် ရောဂါအန္တရာယ်နှင့်ရင်ဆိုင်နေရကြောင်းလည်း ယူနီဆက်ဖ်ကဆက်လက်ပြောကြားခဲ့သည်။
မြန်မာနိုင်ငံ၌ လူပေါင်း လေးသိန်းနီးပါးအိုးမဲ့အိမ်မဲ့ဖြစ်ခဲ့ရကာ နေပြည်တော်အနီးမှရေဘေးသင့်ဒေသများတွင်လည်း အစာအဆိပ်သင့်မှုကြောင့် လူ ၁၀၀ ကျော် ဆေးကုသမှုခံယူရန်လိုအပ်နေကြောင်းသိရသည်။
Source : အေအက်ဖ်ပီ/အီးစီ