ယူကရိန်းလေကာစနစ် အင်အားဖြည့်တင်းရန် ဂရိဝန်ကြီးချုပ်နှင့် ဇလန်းစကီးဆွေးနွေး

ယူကရိန်းသမ္မတ ဇလန်းစကီးနှင့် ဂရိဝန်ကြီးချုပ် Kyriakos Mitsotakis တို့သည် ယူကရိန်း၏ လေကြောင်းရန်ကာကွယ်ရေးကို ယခုထက် ပိုမိုအားကောင်းစေရေးနှင့်ပတ်သက်၍ ဆွေးနွေးခဲ့ကြသည်။

ယူကရိန်းနိုင်ငံအခြေစိုက် Ukrinform သတင်းဌာန၏အဆိုအရ ဇလန်းစကီးသည် ထိုသို့ဆွေးနွေးခြင်းကို Telegram တွင် ထုတ်ဖေါ်ပြောကြားခဲ့ကြောင်းသိရသည်။

“သူ့ရဲ့မကြာသေးမီက ယူကရိန်းခရီးစဉ်အတွင်း ရရှိခဲ့တဲ့ ကျွန်တော်တို့ရဲ့ သဘောတူညီချက်တွေကို အကောင်အထည်ဖော်ဖို့ ဂရိဝန်ကြီးချုပ် Kyriakos Mitsotakis နဲ့ ဆွေးနွေးခဲ့ပြီး၊ အထူးသဖြင့် ကျွန်တော်တို့ရဲ့ လေကြောင်းရန်ကာကွယ်ရေးစနစ်ကို ပိုမိုအားကောင်းစေဖို့အတွက် ဆက်လက်လုပ်ဆောင်နေတဲ့ ကာကွယ်ရေး ပူးပေါင်းဆောင်ရွက်မှုတွေအကြောင်း ပြောခဲ့ပါတယ်” ဟု ဇလန်းစကီးက Telegram တွင် ပြောကြားခဲ့သည်။

မတ်လ ၆ ရက်နေ့က အိုဒက်ဆာမြို့တွင် ဖြစ်ပွားခဲ့သော ဖြစ်ရပ်အရ ဂရိဝန်ကြီးချုပ်သည်ယူကရိန်းကောင်းကင်ယံကို ယခုထက် ပိုမိုစိတ်ချလုံခြုံစေရန် ကာကွယ်ခြင်း၏အရေးကြီးမှုကို ကိုယ်တွေ့ကြုံခဲ့ပြီးလည်းဖြစ်သည် ဟု ဇလန်းစကီးကပြောကြားခဲ့သည်။

မတ်လ ၆ ရက်နေ့က ရုရှားတို့က အိုဒက်ဆာမြို့ကို တိုက်ခိုက်ခဲ့ရာတွင် ဇလန်းစကီးနှင့် ဂရိဝန်ကြီးချုပ်တို့ လိုက်ပါခဲ့သော ယာဉ်တန်းအနီး ရုရှားဒုံးကျည်တစ်စင်း ကျရောက်ပေါက်ကွဲခဲ့ခြင်းကို ဇလန်းစကီးက ရည်ညွှန်းပြောဆိုလိုက်ခြင်းဖြစ်သည်။ အဆိုပါ ဒုံးကျည်သည် နိုင်ငံခေါင်းဆောင် နှစ်ဦး လိုက်ပါလာသော ယာဉ်တန်းနှင့် မီတာအနည်းငယ်ခန့်အဝေးတွင် ကျရောက်ပေါက်ကွဲခဲ့ပြီး ယူကရိန်းစစ်သား ၅ ဦး‌ေ-သဆုံးခဲ့ကာ အခြားသူများ ဒဏ်ရာရရှိခဲ့ကြောင်း ယူကရိန်းစစ်တပ်မှ ပြောရေးဆိုခွင့်ရှိသူ Dmytro Pletenchuk က CNN သတင်းဌာနသို့ ပြောကြားခဲ့သည်။

ဇီလန်စကီးကလည်း ကိယက်ဗ်မြို့ကို မနက်ခင်း ရုရှားဒုံးကျည်နဲ့ ပစ်ခတ်မှုအကြောင်း စကားဝိုင်းကို ပြောခဲ့ပါတယ်။

  “G7 Vilnius ကြေငြာစာတမ်းကိုအခြေခံ၍ နှစ်နိုင်ငံလုံခြုံရေးသဘောတူညီချက်တစ်ရပ်အပေါ် အရှိန်မြှင့်လုပ်ဆောင်ရန် ကျွန်ုပ်တို့သဘောတူခဲ့သည်” ဟု Zelensky က မှတ်ချက်ပြုခဲ့သည်။

Ukrinform သတင်းအရ မတ်လ ၆ ရက် နံနက်တွင် ရုရှားစစ်တပ်က Odesa ကို တိုက်ခိုက်ခဲ့သည်။ Zelensky နှင့် Mitsotakis တို့ကြား တွေ့ဆုံချိန်တွင် ဆိပ်ကမ်းတွင် ပေါက်ကွဲသံကြားရသည်။ တိုက်ခိုက်မှုကြောင့် အရပ်သားများ ‌ေ-သဆုံးကာ ဒဏ်ရာရရှိခဲ့သည်။