ရန်ကုန်တိုင်းဒေသကြီးအစိုးရအဖွဲ့မှ ငလျင်ဒဏ်သင့်သည့် ဒေသများဖြစ်သည့် နေပြည်တော် ကောင်စီသို့ ၂၄ ပြည် ဆန်အိတ် (၇၀၀)အိတ်၊ မန္တလေးတိုင်းဒေသကြီးသို့ ၂၄ ပြည် ဆန်အိတ် (၂၁၀၀) အိတ်၊ စစ်ကိုင်းတိုင်းဒေသကြီးသို့ ၂၄ ပြည် ဆန်အိတ်(၇၀၀)အိတ်၊ နေပြည်တော်ကောင်စီနှင့် မန္တလေးတိုင်းဒေသကြီးသို့ စက်မှုကုန်ကြမ်း(အထည်လိပ်) (၁၅၂)ထုပ်၊ နေပြည်တော်ကောင်စီ၊ မန္တလေးတိုင်းဒေသကြီးနှင့် စစ်ကိုင်းတိုင်းဒေသကြီးသို့ စားအုန်းဆီ (၃၅၀၀)ပိဿာ ပေးပို့လှူဒါန်းခဲ့ကြောင်း သိရသည်။
ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်းနှင့် တိုင်းဒေသကြီးအစိုးရအဖွဲ့ ဝန်ကြီးများသည် ရန်ကုန်တိုင်းဒေသကြီး အစိုးရအဖွဲ့၏ ပံ့ပိုးမှုဖြင့် ငလျင်ဘေးသင့်ဒေသများသို့ သွားရောက်ကူညီဆောင်ရွက်ပေးမည့်အဖွဲ့နှင့် ကူညီကယ်ဆယ်ရေးပစ္စည်းများ တင်ဆောင်ထားသည့် ယာဉ်များအား မတ် (၃၀)ရက် နံနက်ပိုင်းက လှည်းကူးမြို့နယ်၊ အမြန်လမ်း၊ ၀ မိုင်တွင် သွားရောက်ကြည့်ရှုစစ်ဆေးပြီး တွေ့ဆုံ အားပေးစကားပြောကြားခဲ့သည်။
ထို့ပြင် ရှာဖွေကယ်ဆယ်ရေးလုပ်ငန်းများ ဆောင်ရွက်နိုင်ရေးအတွက် ရန်ကုန်မြို့တော်စည်ပင်သာယာရေးကော်မတီမှ ဝန်ထမ်း(၅၁)ဦးနှင့် ရှာဖွေကယ်ဆယ်ရေး အထောက်အကူပြု ပစ္စည်းများဖြစ်သော ဘက်ဖိုး(၂)စီး၊ ဘော်ဒိုဇာ(၁)စီး၊ တွဲကား(၂)စီးတို့ဖြင့် ငလျင်ဘေးသင့်ဒေသများထံသို့ သွားရောက်ကူညီဆောင်ရွက်ပေးသွားမည်ဖြစ်ကြောင်းလည်း သိရသည်။