ရန်ကုန်တိုင်းဒေသကြီးအတွင်း တန်ဆောင်မုန်းလပြည့်ည ပံ့သကူကောက်ရာမှ ယာဉ်တို-က်ခံရမှကြောင့် ေ-သဆုံးသူ (၅)ဦးနှင့် အထက်ရှိခဲ့ပြီး ကလေ-း၊ လူကြီး အပါအဝင် ထိခိုက်ဒဏ်ရာရသူ များပြားခဲ့ကြောင်း လူမှုကူညီကယ်ဆယ်ရေးအသင်းများထံမှ သိရသည်။
တန်ဆောင်မုန်း လပြည့်ည ပံ့သကူကောက်ရာမှ ယာဉ်တို-က်ခံရမှုကြောင့် သင်္ဃန်းကျွန်းမြို့နယ် အပိုင်ထဲတွင် (၅)ဦး ေ-သဆုံးခဲ့ရပြီး စံပြဆေးရုံကြီးသို့ ပို့ဆောင်ခဲ့ရကြောင်း နယ်မြေခံလူမှုကူညီရေးအသင်း၏ မျှဝေမှုအရ သိရသည်။
အလားတူ ရွှေပြည်သာမြို့နယ်၊ ပုလဲလမ်းရှိ (၁၄) လမ်းဆုံတွင် ကားတစ်စီးပေါ်မှ ပိုက်ဆံကျဲချသည်ကို မိခင်ဖြစ်သူအပါအဝင် သားအမိ(၄)ဦးက ပြေးကောက်စဉ် နောက်မှ ကားတစ်စီးက မိခင်ဖြစ်သူအား ဝင်တို-က်မိခဲ့ရာ ေ-သဆုံးမှုဖြစ်ပွားခဲ့ကြောင်းလည်း သိရသည်။
“ပံ့သကူ ကောက်တဲ့သူတွေလည်း အရမ်းများတယ်။ များဆို မနှစ်ကထက်ကို ပိုပြီးတော့ များလာတာတွေ့ရတယ်။ အရွယ်စုံပဲ၊ ရှေ့ကားက ကားက ကျဲချတယ်။ လမ်းပေါ်က လူတွေက ကောက်တယ်။ နောက်က ကားက ဝင်တို-က်မိလို့ ေ -သဆုံးခဲ့ရတာတွေက သင်္ဃန်းကျွန်းအပိုင်ထဲမှာတင် (၅) ဦး ရှိတယ်။ ဝေဇယန္တာလမ်းမပေါ်က ဖြစ်စဉ်ဆို ရုပ်ရှင်တွေထဲကလို လူတွေက လေပေါ်ကို မြောက်တက်သွားတာလို့ အဲဒီနားက လူတွေပြောကြတယ်။ စံပြဆေးရုံကို ပို့ပေးခဲ့ရတယ်။ ဒဏ်ရာရတဲ့သူတွေကတော့ မနည်းဘူး”ဟု လူမှုကူညီကယ် ဆယ်ရေးအသင်းတစ်သင်းမှ တာဝန်ရှိသူ တစ်ဦးက ပြောသ ည်။
ထို့ပြင် စမ်းချောင်းမြို့နယ် ဗဟိုလမ်း ဝေဠုဝန်လမ်းကျယ်တွင် ပံ့သကူ ပိုက်ဆံ လုကောက်ရာမှ ချော်လဲကာ ဦးခေါင်းနောက်စေ့တွင် (၆)လက်မခန့်ကွဲ၍ သွေးထွက်လွန်သည့် လူနာ အမျိုးသားတစ်ဦးကို အနာဂတ်အလင်းတန်း ပရဟိတအသင်းမှ လူနာတင်ယာဉ်ဖြင့် ရန်ကုန်ဆေးရုံကြီးအရေးပေါ်ဌာနသို့ အခမဲ့ကူညီပို့ဆောင်ပေးခဲ့ကြောင်း သိရသည်။
အလားတူ အင်းစိန်မြို့နယ်၊ ရွာမအရှေ့ရပ်ကွက်၊ မင်းကြီးလမ်းမပေါ်တွင် ပံ့သကူကောက်သည့် ကလေ-းငယ် တစ်ဦးအား ဆိုင်ကယ်တစ်စီး တို-က်မိခဲ့ရာ ထိခိုက်ဒဏ်ရာများ ရရှိခဲ့သည့်အတွက် အင်းစိန်မြို့နယ် ကြက်ခြေနီသူနာပြုတပ်ဖွဲ့မှ မြေပြင်တွင် စနစ်တကျ ရှေးဦးပြုစုပေးပြီး ဆေးကုသမှုခံ ယူရန်လိုအပ်သောကြောင့် အင်းစိန်ဆေးရုံသို့ ပို့ဆောင်ကူညီပေးခဲ့ရကြောင်းလည်း သိရသည်။
ထိုသို့ တန်ဆောင်မုန်းလပြည့်ည ပံ့သကူကောက်ရာမှ ယာဉ်တို-က်ခံရမှုကြောင့် ေ-သဆုံးနှင့် ထိခိုက်ဒဏ်ရာရမှ ဖြစ်စဉ်များ အခြားဒေသများတွင်ရှိ နေနိုင်သေးကြောင်း လူမှုကူညီကယ်ဆယ်ရေးအသင်းတို့မှ ပြောဆိုထားသည်။