ရန်ကုန်တိုင်းအတွင်း ယခုရက်ပိုင်းတွင် မိုးရက်ဆက်ရွာသွန်းနေသည့်အတွက် ယနေ့ စက်တင်ဘာ(၂၆)ရက်တွင် ငမိုးရိပ်ဆည် ရေပိုလွှဲမှ ရေ (၃)ပေနီးပါး ကျော်လာကြောင်း
ဆည်မြောင်းဦးစီးဌာနနှင့် နီးစပ်သည့် အသိုင်းဝိုင်းထံမှ သိရသည်။
စက်တင်ဘာ (၂၂)ရက်တွင် ငမိုးရိပ်ဆည် ရေပိုလွှဲမှ (၁.၇၅) ပေသာ ကျော်လွန်ခဲ့သော်လည်း စက်တင်ဘာ (၂၅)ရက်တွင် ရေပိုလွှဲမှ (၂.၉၀)ပေအထိ ကျော်လွန်ရောက်ရှိခဲ့ကြောင်း သိရသည်။
ယနေ့ စက်တင်ဘာလ(၂၆)ရက်တွင် ငမိုးရိပ်ဆည်၏ ရေပိုလွှဲမှ (၂.၇၀)ပေ ကျော်လွန်နေပြီး စိုးရိမ်ရေမှတ်နားထိ ရောက်ရှိလာကြောင်း သိရသည်။
လက်ရှိ ငမိုးရိပ်ဆည် ရေပိုလွှဲမှ စိုးရိမ်ရေမှတ်နား နီးလာပြီး စိုးရိမ်ရေအမှတ်သို့ မရောက်ရှိသေးသော်လည်း ငမိုးရိပ် ချောင်းအနီး မြေနိမ့်ပိုင်းရပ်ကွက်များသို့ ရေဝင်ရောက်နိုင်သောကြောင့် မြို့ခံများအနေဖြင့် သတိပြုနေထိုင်ကြရန် လိုအပ်ကြောင်း သိရသည်။
ရန်ကုန်တွင် စက်တင်ဘာ (၂၀)ရက်ကလည်း မိုးအဆက်မပြတ်ရွာသွန်းခဲ့မှုကြောင့် ငမိုးရိပ်ချောင်းရေ အနည်းငယ် မြင့်တက်လာရာ ရန်ကုန်တိုင်းဒေသကြီး ဒဂုံမြို့သစ်(မြောက်ပို င်း) မြို့နယ်၊ သင်္ဃန်းကျွန်း၊ သာကေတ၊ ဒေါပုံမြို့နယ် အနိမ့်ပိုင်းရှိ ရပ်ကွက်နေရာအချို့တို့တွင် ရေလျှံမှုဖြစ်ပေါ်ခဲ့သေးကြောင်း မြို့ခံများထံမှ သိရသည်။
