“ရွှေစင်အကယ်ဒမီ”ရွှေဆိုင်မှ ငွေကျပ်သိန်း(၃) သောင်းခန့်တန်ဖိုးရှိ ရွှေထည်ပစ္စည်းများအား လု ယက်ခဲ့သူ(၂)ဦးကိုဖမ်းမိ

မန္တလေးတိုင်း၊ မဟာအောင်မြေမြို့နယ်၊ ဟေမမာလာမြောက်ရပ်ကွက်၊ ၇၇ လမ်း၊ ၃၆ လမ်းနှင့် ၃၇ လမ်းကြားရှိ “ရွှေစင်အကယ်ဒမီ”ရွှေဆိုင်မှ ငွေကျပ်သိန်း(၃)သောင်းခန့်တန်ဖိုးရှိ ရွှေထည်ပ စ္စည်းများအား လုယက်ခဲ့သူ(၂)ဦးကို ဖမ်းဆီးရမိခဲ့ကြောင်း သိရသည်။

ဒီဇင်ဘာ ၁၈ ရက်ညနေ ၅ နာရီခွဲက “ရွှေစင်အ ကယ်ဒမီ”ရွှေဆိုင်သို့ ကလစ်ဆိုင်ကယ်မောင်းလာသည့် အမျိုးသား(၃)ဦးရောက်ရှိလာပြီးနောက် ဆိုင်ရှင်ဖြစ်သူနှင့်ဝန်ထမ်းများအား သေနတ်ပြခြိမ်းခြောက်၍ ငွေကျပ်သိန်း(၃)သောင်းခန့်တန် ဖိုးရှိ ရွှေထည်ပစ္စည်းမျိုးစုံ(၃ ပိဿာ ၅၅ ကျပ်) သားခန့်အား လုယက်ယူဆောင်သွားခဲ့ကြကြောင်း သိရသည်။

ထို့ကြောင့် ပြစ်မှုကျူးလွန်သူများအား ဖမ်းဆီးရမိရေးအတွက် မဟာအောင်မြေမြို့မရဲစခန်းက (ပ)၃၃၀/၂၀၂၄၊ ရာဇသတ်ကြီးပုဒ်မ ၃၉၂ ဖြင့် အမှုရေးဖွင့်ကာစုံစမ်းစစ်ဆေးခဲ့ကြသဖြင့် ပြစ်မှုကျူးလွန်သူများဖြစ်သည့် ဖြိုးသက်အောင်(ခ) ဖြိုးလေး(၂၅)နှစ်အား ဒီဇင်ဘာ ၂၃ ရက်၊ ဇင်မျိုးထိုက်(ခ)ဇင်မျိုး(၂၉)နှစ်အား ဒီဇင်ဘာ ၂၄ ရက်တို့တွင်ဖမ်းဆီးရမိခဲ့ကြောင်း သိရသည်။

ထို့ပြင် သက်သေခံရွှေထည်ပစ္စည်းမျိုးစုံ(၆၂) ကျပ်သား၊ (၄)ပဲ၊ (၂)ရွေး၊ ပြစ်မှုကျူးလွန်စဉ်က အသုံးပြုခဲ့သည့် Honda Click ဆိုင်ကယ်(၁)စီး၊ ရွှေထည်ပစ္စည်းမျိုးစုံ(၂၄)ကျပ်သားခန့်၊ ရွှေထည်ပစ္စည်းမျိုးစုံ ၇၈ ကျပ် ၅ မူးသားတို့ကိုလည်းသိမ်းဆည်းရမိခဲ့ကြောင်း သိရသည်။

စစ်ဆေးချက်များအရ ပြစ်မှုကျူးလွန်ရာတွင်ပါ ဝင်သူများဖြစ်သည့် အောင်မျိုးသူနှင့် ဝင်းမြတ်သူတို့အားထပ်မံဖမ်းဆီးရမိရေးအတွက်ဆောင် ရွက်လျက်ရှိပြီး ဖမ်းဆီးရမိထားသူများအား ဥပဒေအရထိရောက်စွာအရေးယူနိုင်ရန် ဆက် လက်ဆောင်ရွက်လျက်ရှိကြောင်း သိရသည်။