ရှီ၏ခရီးစဉ်၌တရုတ်နှင့်ဗီယက်နမ်တို့စာချုပ်များစွာကိုလက်မှတ်ရေးထိုးခဲ့

ဟနွိုင်း၊ဧပြီ ၁၄

အမေရိက,က မြင့်မားလှသည့်အခွန်များကို စည်းကြပ်နေစဉ် ကုန်သွယ်ရေးကဏ္ဍတွင် တစ်ဖက်နှင့်တစ်ဖက်ပိုမိုပူးပေါင်းဆောင်ရွက်ရန်လိုအပ်သဖြင့် တရုတ်နှင့်ဗီယက်နမ်တို့သည် သဘောတူညီစာချုပ်များစွာကို လက်မှတ်ရေးထိုးခဲ့ကြသည်ဟုသိရသည်။

ကမ္ဘာတစ်ဝန်း၌ အခွန်းတိုးမြှင့် ချမှတ်မှုကို ဆိုင်းငံ့ထားသည့် သက်တမ်းကုန်ဆုံးမည့်ဇူလိုင်လတွင် ဗီယက်နမ်အနေဖြင့် အမေရိက၏ အခွန်စည်းကြပ်မှု ၄၆ ရာခိုင်နှုန်းကိုရင်ဆိုင်ရမည်ဖြစ်သကဲ့သို့ တရုတ်သည်လည်း ၁၄၅ ရာခိုင်နှုန်းအထိအခွန်စည်းကြပ်ခံရမည့်အရေးကြောင့် တရုတ်သမ္မတရှီသည် အာဆီယံဒေသတွင်းသို့ ညှိနှိုင်းရေးခရီးစဉ်ကို ပြုလုပ်ရခြင်းလည်းဖြစ်သည်။

သမ္မတရှီသည် ဗီယက်နမ်ထိပ်တန်းခေါင်းဆောင် တူလန်နှင့်တွေ့ဆုံပြီးနောက် နှစ်နိုင်ငံကြားထောက်ပံ့ရေးလမ်းကြောင်းများတိုးမြှ့င့်ရေးအပါအဝင် မီးရထားလမ်းများပူးပေါင်းဆောင်ရွက်မှုဆိုင်ရာ သဘောတူညီချက်ဒါဇင်ပေါင်းများစွာကို လက်မှတ်ရေးထိုးခဲ့ကြသည်ဟုလည်းရိုက်တာသတင်းဌာနကဖော်ပြခဲ့သည်။

တရုတ်နှင့်ဗီယက်နမ်မီဒီယာများက နောက်ပိုင်းတွင်ဖော်ပြကြသည်မှာ နှစ်ဖက်ခေါင်းဆောင်များသည် သဘောတူညီချက်ပေါင်း ၄၅ ခုကိုလက်မှတ်ရေးထိုးခဲ့ကြသည်ဟုလည်းဆိုကြသည်။သို့သော် မည်သည့်သဘောတူညီချက်များပါဝင်သည်ဟူသောအသေးစိတ်အချက်ကိုမူ ဖော်ပြခြင်းမရှိခဲ့ပေ။

တရုတ်သမ္မတရှီကမူ ကုန်သွယ်ရေးစစ်ပွဲသည် မည်သည်တစ်ဦးတစ်ယောက်မျှအနိုင်မရနိုင်ဘဲ အကျိုးမရှိကြောင်း ၎င်း၏ခရီးစဉ်အတွင်းပြောကြားခဲ့ပြီး ဗီယက်နမ်ဝန်ကြီးချုပ်နှင့်တွေ့ဆုံစဉ်တွင်မူ ၎င်းတို့နှစ်နိုင်ငံအနေဖြင့် တစ်ဖက်သတ်အနိုင်ကျင့်မှုမျိုးကိုရှောင်ရှားကြရမည်ဟုလည်းဆိုခဲ့သည်။

Source : ရိုက်တာ