လန်ချန်း-မဲခေါင်နိုင်ငံများ ဒေသဆိုင်ရာကိစ္စရပ်များဆွေးနွေး

ဗီယင်ကျန်း၊မတ် ၂၁

လူငယ်သံတမန်ဖိုရမ်နှင့် နဝမအကြိမ်မြောက် လန်ချန်း-မဲခေါင် ထိပ်သီးအစည်းအဝေးကို လာအိုမြို့တော် ဗီယင်ကျန်းတွင် ကြာသပတေးနေ့က စတင်ကျင်းပခဲ့ကြောင်းသိရသည်။

အဆိုပါဆွေးနွေးမှုအတွင်း မဲခေါင်-လန်ချန်းအဖွဲ့ဝင်နိုင်ငံများမှ လူငယ်သံတမန်များလည်းပါဝင်ကာ လူငယ်များကို နိုင်ငံတကာဆက်ဆံရေး၊သံတမန်ရေးရာမူဝါဒများအပြင် ဒေသတွင်းနှင့်ကမ္ဘာလုံးဆိုင်ရာကိစ္စရပ်များအပေါ် အမြင်ချင်းဖလှယ်နိုင်သည့်အခွင့်အရေးမျိုးပေးအပ်ခဲ့သည်ဟုလည်းသိရသည်။

ယင်းပွဲသို့ လာအိုနိုင်ငံခြားရေးဝန်ကြီးဌာနမှ စီးပွားရေးဌာန၏ ညွှန်ကြားရေးမှူးချုပ်က သဘာပတိအဖြစ်ဆောင်ရွက်ခဲ့ကာ လန်ချန်း-မဲခေါင်အဖွဲ့ဝင်နိုင်ငံများမှ ကိုယ်စားလှယ်များပါဝင်တက်ရောက်ခဲ့သည်ဟုဆိုသည်။

အဆိုပါပွဲအတွင်း အဓိကဆွေးနွေးမှုအနေဖြင့် “အနာဂါတ်တွင်ဖြစ်လာမည့် လူငယ်သံတမန်များ၏အခန်းကဏ္ဍ” ဟူသောခေါင်းစဉ်လည်းပါဝင်ခဲ့သည်ဟုသိရသည်။

ယခုနှစ်ဖိုရမ်သည် ဒေသတွင်းပူးပေါင်းဆောင်ရွက်မှု၏အရေးပါမှုကို ခိုင်မာအားဖြည့်ပေးကာ လန်ချန်း-မဲခေါင်နိုင်ငံများအကြား အနာဂတ်ဆက်ဆံရေးကိုပုံဖော်ရန် မျိုးဆက်သစ်သံတမန်များ၏ စွမ်းဆောင်ရည်ကိုလည်းမြှင့်တင်ပေးနိုင်ခဲ့သည်ဟုဆိုသည်။

Source : ရှင်းဟွာ