လန်ဒန်၊အောက်တိုဘာ ၂၁
ပြီးခဲ့သည့်ရက်သတ္တပတ်က အာဂျင်တီးနားနိုင်ငံ ဘွေနိုဇာရီမြို့ရှိ ဟိုတယ်ဝရန်တာမှပြု—တ်—ကျေ-သဆုံးခဲ့သော One direction အဖွဲ့ဝင်ဟောင်း အဆိုတော်လီယန်ပိန်း၏ပရိသတ်များစုဝေးကာ လန်ဒန်တွင် ဝမ်းနည်းခြင်းအထိမ်းအမှတ်ပြုလုပ်ခဲ့ကြောင်းသိရသည်။
လီယန်ေ-သဆုံးမှုအတွက် ဝမ်းနည်းခြင်းအထိမ်းအမှတ်အခမ်းအနားများကို လန်ဒန်တွင်သာမက ဂလတ်စကို၊ ပါရီ၊ဆစ်ဒ်နီနှင့်နူးယော့ခ်မြို့များတွင်ပါ ကျင်းပပြုလုပ်ခဲ့ခြင်းဖြစ်ကြောင်းလည်းသိရသည်။
အဆိုပါအခမ်းအနားသို့တက်ရောက်လာသူများသည် လီယန့်သီချင်းများသီဆိုကာ အမှတ်တရပန်းစည်းများ၊စာများ၊ဖယောင်းတိုင်များနှင့် လီယန့်ဓါတ်ပုံပါဝင်သည့် အနုပညာလက်ရာပန်းချီများစသည်တို့ယူဆောင်ကာ စုဝေးခဲ့ကြကြောင်းလည်းသိရသည်။
One Direction သည် ဗြိတိန် X – Factor အစီအစဉ်မှလူငယ်အဆိုတော်ငါးဦးဖြင့် ၂၀၁၀ ခုနှစ်တွင် တီးဝိုင်းဖွဲ့စည်းခဲ့ပြီးနောက် မကြာမီ၌ပင် ကမ္ဘာတစ်ဝန်းရေပန်းစားလာခဲ့ပြီးနောက် သန်း ၇၀ ကျော် ရောင်းချခဲ့ရသည့် အယ်လ်ဘမ်ငါးခုကိုထုတ်ခဲ့ပြီး ၂၀၁၆ ခုနှစ်တွင် အဖွဲ့ခွဲခဲ့ခြင်းလည်းဖြစ်သည်။
Source : အေပီ/အက်စ်အာရ်