နှစ်ပေါင်းများစွာကနေ ဒီနေ့အထိ သက်တမ်းအရှည်ကြာဆုံးနဲ့ ရပ်တည်နေတဲ့ ရုပ်ရှင်ထုတ်လုပ်မှုမှာ အလွန်နာမည်ကြီးတဲ့ “ဝါနာဘရားသား” ကုမ္ပဏီက ထုတ် လုပ်ဖြန့်ချိလိုက်တာ ဖြစ်ပါတယ်။ ရုပ်ရှင်ဇာတ်ကားရဲ့ ကြာမြင့်ချိန်က ၁၂၈မိနစ်ဖြစ်ပြီး လက်ရှိ ရုံတင်ရက်တစ်လအတွင်းမှာပဲ အမေရိကန် ဒေါ်လာ ၄၄သန်း ကုန်ကျခဲ့တဲ့ ဇာတ်ကားဟာ ၁၃၉သန်း ပြန်ဝင်လာ နေပြီလို့ ဆိုပါတယ်။ ဒါရိုက်တာ Gavin O Connor ရိုက်ကူးပြီး အဓိကဇာတ်ကောင် “ခရစ္စရှန်ဝုဖ်”အဖြစ် မင်းသား ဘင်အဲဖလက် (Ben Affleck) နဲ့ မင်းသမီး Anna Kendrick တို့က သရုပ်ဆောင်ထား ကြပါတယ်။
အန္တရာယ်ရှိတဲ့ လူဆိုးဂိုဏ်းကြီး တစ်ဂိုဏ်းရယ်လို့ ပြောမယ်ဆို ပြောလို့ရတဲ့ အဖွဲ့အစည်းကြီးတစ်ခု အတွင်းမှာ ဝင်ရောက်ကာ အလုပ်လုပ်ကိုင်တဲ့ စာရင်းကိုင်တစ်ယောက်ရဲ့ ဖြစ်ပျက်ခဲ့ရတာတွေကို ပြန်ပြီး ရိုက်ကူးတင်ပြထားတာ ဖြစ်ပါတယ်။ ခရစ္စရှန်ဝုဖ် ဆိုတဲ့သူက သင်္ချာပညာမှာ လက်ရှိပတ်ဝန်းကျင်အရ ဘယ် သူမှ မယှဉ်နိုင်လောက်တဲ့ ပညာရှင်တစ်ယောက်ဖြစ်နေပါတယ်။ တစ်နေ့ တစ်နေ့လူတွေနဲ့ ပတ်ဝန်းကျင်ကို မေ့လျော့ နိုင်လောက်တဲ့အထိ ကိန်း ဂဏန်းတွေအပေါ်မှာ တန်ဖိုးထားလွန်းသူ ဖြစ်နေပါတယ်။ မြို့ပေါ်က CPA ရုံးခန်းလေးတစ်ခုအတွင်းမှာ စာရင်းကိုင်အဖြစ်ဟန်ပြ အလုပ်လုပ်နေပေမယ့် တကယ်တမ်းမှာတော့ သူဟာ ဥပဒေနဲ့ငြိစွန်းတဲ့ အန္တရာယ်ရှိတဲ့ အဖွဲ့အစည်းကြီး တစ်ခုအတွင်းမှာ လုပ်နေရသူပါ။ အခုငွေကြေးခဝါချမှုနဲ့ ငွေကြေးအရှုပ်အရှင်းစတဲ့ ငွေကြေးဆိုင်ရာ ပြဿနာတွေကို ကိုင်တွယ်တွက်ချက်ဖြေရှင်းပေးနေရပါတယ်။ တာဝန်အရ ပြောရမယ်ဆိုရင်တော့ အလွတ်တန်း စာရင်းကိုင်တစ်ယောက်ပေါ့။
ဝုဖ်ရဲ့ကိန်းဂဏန်းတွေအပေါ် ကျွမ်းကျင်မှုတွေကနေ တရားဥပဒေ ရဲ့ အခြားတစ်ဖက်မှာ အလုပ်လုပ် မိအောင် တွန်းပို့သလိုဖြစ်ခဲ့ရတာပါ။ ခရစ္စရှန်ဝုဖ်ဟာ ရိုဘော့ ထုတ်လုပ်တဲ့ အဆင့်မြင့်ကုမ္ပဏီကြီးတစ်ခုနဲ့ အလုပ်လုပ်နေတာဆိုပေမယ့် ငွေတိုက်အေးဂျင့်တွေက လျို့ဝှက်ချက်တွေရှိနေတဲ့ သူ့ရဲ့နောက်ကြောင်းကို ဖော်ထုတ်ဖို့ ကြိုးစားကြတယ်ဆိုတာကို အချိန်အတော်ကြာမှ သူသိလိုက်ရပါတယ်။
အဲဒီကုမ္ပဏီတွေက အငယ်တန်းဝန်ထမ်းဖြစ်တဲ့ ဒါနာ ဆိုသူနဲ့ ဝုဖ်ဟာ တစ်ရက်မှာတော့ အမေရိကန် ဒေါ်လာငွေ သန်းနဲ့ချီတဲ့ ငွေစာရင်း ကွာဟမှုတစ်ခုကို ကြုံလိုက်ရပါတယ်။ ပြီးတော့ အဲဒီငွေစာရင်း ကွာဟမှုကြီးရဲ့ သက်သေသာဓက တစ်ခုကို တွေ့ရှိလိုက်တာကြောင့်ပဲ ခြေနင်းမိုင်းတစ်ခုကို နင်းမိထားတဲ့ စစ်မြေပြင်က စစ်သားတစ်ယောက်လို အလွန်အန္တရာယ်ကြီးမားတဲ့ လမ်းစတစ်ခုထဲကို တိုးဝင်သွားမိပါ တော့တယ်။
ကိန်းဂဏန်းတွေကိုပဲ ကြည့် ကြည့်၊ ကိန်းဂဏန်းတွေ နောက်ကိုပဲ လိုက်လိုက်၊ သင်္ချာပညာရှင် အလွတ်တန်းစာရေးလေး ခရစ္စရှန် ဝုဖ် တစ်ယောက်ငွေကြေး အရှုပ်အရှင်းတွေကြားမှာ ဘယ်လိုအသက် အန္တရာယ်တွေကို ရင်ဆိုင်ရပြီး ဘယ်လိုတွေ ဖြေရှင်းဖြတ်ကျော်နေရသလဲဆိုတာ ဈေးကွက်ထဲကို ဒီအခွေ လေးရောက်လာရင် ကြည့်ဖြစ်အောင် ကြည့်လိုက်ပါလို့ တိုက်တွန်းလိုက်ပါတယ်။
ဝင်းကိုမောင်