သပိတ်ကျင်းမြို့နယ်၌ လက်လုပ်မိုင်းထောင်စဥ်ပေါက်ကွဲ၍ မိုင်းထောင်သူသေဆုံးဟု နစက ထုတ်ပြန်
မန္တလေးတိုင်း၊သပိတ်ကျင်းမြို့နယ်၊ရေထွက်ကျေးရွာမှလက်ပံပြန်ကျေးရွာသွားလမ်း၏ ရေ ကျော်အနီး၌ မေ ၉ ရက်ည ၉ နာရီခွဲကဖြစ်ပွားခဲ့ခြင်းဖြစ်ကြောင်း နစက မှထုတ်ပြန်ခဲ့သည်။
ရေကျော်အနီး၌ လက်လုပ်မိုင်းပေါက်ကွဲကြောင်း သတင်းအရ လုံခြုံရေးအဖွဲ့ဝင်များက သွား ရောက်စစ်ဆေးရာ လက်လုပ်မိုင်းထောင်စဥ်ပေါက်ကွဲခဲ့ခြင်းဖြစ်သည်ကို စစ်ဆေးတွေ့ရှိခဲ့ရသည်။
မိုင်းပေါက်ကွဲသည့်နေရာ၌ ဝဲ/ယာလက်ကောက် ဝတ်ပြတ်၊ယာဒူးပြတ်ဒဏ်ရာများဖြင့် သေဆုံးနေသည့် အမျိုးသား ၁ ဦး(စိစစ်ဆဲ)အား SHAYAN အမျိုးအစား ဆိုင်ကယ် ၁ စီး၊ ပြောက်ကျားဦး ထုပ် ၂ လုံး၊ အမျိုးသားဝတ်အဝတ်အစားများနှင့်အတူ တွေ့ရှိခဲ့သည်ဟု နစက မှထုတ်ပြန်ခဲ့သည်။
ထို့ကြောင့် ဖြစ်စဥ်မှသေဆုံးမှုအား သေမှုသေခင်းဖွင့်လှစ်ခဲ့ကြောင်း သိရသည်။