မြန်မာနိုင်ငံဆန်စပါးအသင်းချုပ်၏ ကြီးကြပ်စီစဉ်မှုဖြင့် ရန်ကုန်တိုင်းဒေသကြီးအတွင်း အခြေခံ စားသုံးသူ ပြည်သူများအတွက် ပြည်တွင်းစားသုံးဆန်များအား ကားများဖြင့် မြို့နယ်များတွင် လှည့်လည်ရောင်းချပေးလျက်ရှိကြောင်း သိရသည်။
ထိုကဲ့သို့ရောင်းချပေးမှုတွင် ဧည့်မထဆန်(၅)ကီလို (၂)ပြည်ခွဲတစ်အိတ်လျှင် ကျပ်(၈၀၀၀)နှုန်း၊ ပေါ်ဆန်း ဆန်(၅)ကီလို (၂)ပြည်ခွဲတစ်အိတ်လျှင် ကျပ် (၁၃၅၀၀)နှုန်းဖြင့် လိုက်လံရောင်းချပေးနေခြင်းဖြစ်သည်။
ယင်းကဲ့သို့ လိုက်လံရောင်းချပေးနေသည့်အတွက် ဧည့်မထဆန်တစ်ပြည်လျှင်ကျပ် (၃၂၀၀) နှုန်း၊ ပေါ်ဆန်းဆန်တစ်ပြည်လျှင် ကျပ်(၅၄၀၀)နှုန်းသာ ကျသင့်တော့မည်ဖြစ်သည်။
မြန်မာနိုင်ငံ ဆန်စပါးအသင်းချုပ်နှင့် ညီနောင်အသင်း၊ ကုန်စည်ဒိုင်၊ ဆန်စပါးကုမ္ပဏီများ၏ ပူးပေါင်းဆောင်ရွက်မှုဖြင့် ရန်ကုန်တိုင်းအတွင်းရှိ စားသုံးသူပြည်သူများအတွက် သက်သာသည့်ဈေးဖြင့် ဆန်ရောင်းချပေးခြင်း အစီအစဉ်ကိုဆောင်ရွက်ပေးနေပြီး အသေးစိတ်သိလိုပါက အသင်းချုပ် ဖုန်း ၀၉-၄၀၀၀၆၇၂၆၀ သို့ ဆက်သွယ်စုံစမ်းနိုင်ကြောင်း သိရသည်။