ဂျာကာတာ၊ ဧပြီ ၈
အင်ဒိုနီးရှားနိုင်ငံ အနောက်ဘက် အာချေပြည်နယ်တွင် အင်္ဂါနေ့(ယနေ့မနက်)အစောပိုင်းက ရစ်ခ်တာစကေး ၅.၉ အဆင့်ရှိ ငလျင်တစ်ခု လှုပ်ခတ်သွားခဲ့ကြောင်း နိုင်ငံ၏ မိုးလေဝသ၊ ရာသီဥတုနှင့် ဘူမိရူပဗေဒ အေဂျင်စီက ပြောကြားခဲ့သည်။
ကနဦးတွင် အေဂျင်စီက ငလျင်၏ပြင်းအားကို ၆.၂ အဖြစ် ဖေါ်ပြခဲ့ပြီး ပြင်းအား ကို ပြန်လည်ပြင်ဆင်ကာ လျှော့ချခဲ့ခြင်းဖြစ်သည်။
ငလျင်သည် အင်္ဂါနေ့ နံနက် ၂ နာရီ ၄၈ မိနစ်တွင် ဂျကာတာစံတော်ချိန် (၁၉:၄၈ ဂရင်းနစ်စံတော်ချိန် တနင်္လာနေ့) တွင် ငလျင်ဗဟိုချက်ဖြစ်သော စီမီယူလူး ခရိုင် ရှိ စီနာဘန် မြို့ အရှေ့တောင်ဘက် ၆၂ ကီလိုမီတာအကွာတွင် ဗဟိုပြု၍ ပင်လယ်ကြမ်းပြင်အောက် အနက် ကီလိုမီတာ ၃၀ တွင် ဖြစ်ပွားခဲ့ခြင်းဖြစ်သည်။
ငလျင်သည် ကြီးမားသော လှိုင်းလုံးများ ကို ဖြစ်ပေါ်စေမည်ဟု မထင်ရသဖြင့် ဆူနာမီသတိပေးချက် ကို မထုတ်ပြန်ခြင်း ဖြစ်သည်။
“ငလျင်ဒဏ်သင့်ဒေသများ အထူးသဖြင့် စီမီယူလူး ခရိုင် တွင် ပြင်းထန်သော ထိခိုက်ပျက်စီးမှု သို့မဟုတ် အသေအပျောက်မှု သတင်း မရရှိကြောင်း” ခရိုင်ဘေးအန္တရာယ်စီမံခန့်ခွဲမှုနှင့် လျော့ပါးရေးအေဂျင်စီမှ အကြီးတန်းအရာရှိ ဇိုပါန် အေ က ရှင်းဟွာသို့ ပြောကြားခဲ့သည်။
ကျွန်းစုနိုင်ငံတစ်ခုဖြစ်သည့် အင်ဒိုနီးရှားနိုင်ငံသည် ငလျင်လှုပ်ခတ်မှုရှိသော ပစိဖိတ်မီးကွင်းပေါ်တွင်တည်ရှိနေသောကြောင့် ငလျင်လှုပ်ခတ်နိုင်သည်။ အဆိုပါနိုင်ငံတွင် မီးတောင်ရှင် ၁၂၇ လုံးရှိပြီး မြေငလျင် လှုပ်ရှားမှုများလည်း မကြာခဏဖြစ်ပေါ်လေ့ ရှိသည်။
Ref: ရှင်းဟွာ10:13
10:16