အထူးဒေသ(၁)မှ ကယ်ဆယ်ရေးအဖွဲ့က ဘေးအန္တ ရာယ်ကျရောက်နယ်မြေသို့ သွားရောက်ကယ်ဆယ်ရန်အဆင်သင့်ပြင်ဆင်ထားသည်ဟု မြန်မာနိုင်ငံအထူးဒေသ(၁)အုပ်ချုပ်ရေးကော်မတီ၏ မတ် ၂၉ ရက်ထုတ်ပြန်ချက်အရ သိရသည်။
လက်ရှိအချိန်၌ အထူးဒေသ(၁)အတွင်းရှိ မြို့နယ်၊ ခရိုင်အသီးသီးတို့၏အုပ်ချုပ်ရေးမှူးများကဦးဆောင်၍ ကယ်ဆယ်ရေးအဖွဲ့များဖွဲ့စည်းကာ စစ်သားများနှင့်အရပ်သားများကိုစည်းရုံးပြီး ဘေးအန္တ ရာယ်ကျရောက်နေသည့်နယ်မြေများသို့ ကယ်ဆယ်ရေးပစ္စည်းများထောက်ပံ့ပေးပို့သွားမည်ဟု အသိပေးခဲ့သည်။
ထို့ပြင် အရပ်ဘက်အင်အားကိုစည်းရုံးပြီး ရန်ပုံငွေ နှင့် ထောက်ပံ့ပစ္စည်းများလှူတန်းခြင်းများကိုလုပ်ဆောင်ပြီး ဘေးအန္တရာယ်ကျရောက်နေသောနယ်မြေ၏ သက်ဆိုင်ရာအဖွဲ့အစည်းများနှင့်ဆက်သွယ်ကာ သက်မှတ်နေရာများသို့သွားရောက်ကယ်ဆယ်ကူညီဆောင်ရွက်ပေးမည်ဟုလည်း အသိပေးခဲ့သည်။
ထို့အတူ အထူးဒေသ(၁)မှ ကျွမ်းကျင်ပုဂ္ဂိုလ်များဖြင့် ကယ်ဆယ်ရေးအဖွဲ့တစ်ဖွဲ့အားဖွဲ့စည်းထားပြီး ကား၊ သက်ဆိုင်ရာကယ်ဆယ်ရေးကိရိယာတို့ဖြင့် ဘေးအန္တရာယ်ကျရောက်နေသောနယ်မြေများသို့ သွားရောက်ကယ်ဆယ်နိုင်ရန်လည်း အဆင်သင့် ပြင်ဆင်ထားကာ အထူးဒေသ(၁)ရှိဆေးရုံကြီးများ ၌ ဘေးအန္တရာယ်ကျရောက်နေသောနယ်မြေများမှရောက်ရှိလာသည့် ဒဏ်ရာရသူများအား အတတ်နိုင်ဆုံး အခမဲ့ဆေးကုသမှုများပြုလုပ်ပေးသွားမည်ဟုလည်း အသိပေးခဲ့သည်။
ထို့အတူ အထူးဒေသ(၁)အုပ်ချုပ်ရေးကော်မတီနှင့် ဒေသခံပြည်သူလူထုတို့မှလည်း ဘေးအန္တရာယ်ကျရောက်နေသောနယ်မြေများမှရောက်ရှိလာသူများ ၏ နေထိုင်စားသောက်ရေးကို အခမဲ့ကူညီပေးသွားမည်ဟု အသိပေးခဲ့သည်။
လက်ရှိအချိန်၌ အထူးဒေသ(၁)တွင် မူလကကျင်းပရန်သတ်မှတ်ထားသော အတာသင်္ကြန်ပွဲတော်ဖျော် ဖြေပွဲ၊ အထူးဒေသ(၁)၏အခြားအုပ်ချုပ်ရေးကော် မတီအသီးသီးမှ လက်တလောတွင် အခြားဂုဏ်ပြုပွဲတော်များကို လုံးဝကျင်းပခွင့်မပြုတော့ဘဲ ငလျင်ဒဏ်ကြောင့် အသက်ဆုံးရှူံးသွားသူများအတွက် လွန်စွာဝမ်းနည်းမိသည်ဟုလည်း အသိပေးထုတ်ပြန်ခဲ့သည်။