တိုကျို၊မတ် ၂
ဂျပန်ဝန်ကြီးချုပ် ရှီဂဲရုအိရှိဘ က ၎င်းအနေဖြင့် မော်တော်ကားများအပေါ် အမေရိကဘက်က အခွန်စည်းကြပ်မှု ၂၅ ရာခိုင်နှုန်းထပ်တိုးလိုက်ခြင်းအတွက် စိတ်မကောင်းဖြစ်မိကြောင်းနှင့် ယခုကိစ္စနှင့်ပတ်သက်၍လည်း သက်ဆိုင်ရာတာဝန်ရှိသူများအနေဖြင့် အမေရိကနှင့်အမြဲတစေညှိနှိုင်းနေကာ ဂျပန်နိုင်ငံအခွန်စည်းကြပ်မှုကင်းလွတ်ခွင့်ရရေးအတွက် ကြိုးပမ်းနေကြရန်ညွှန်ကြားခဲ့သည်။
ဝန်ကြီးချုပ်အိရှိဘသည် ယခုကိစ္စနှင့်ပတ်သက်၍ နိုင်ငံခြားရေးဝန်ကြီး တကဲရှိအီဝယ၊အစိုးရအတွင်းဝန် ယိုရှီမာဆာဟယရှိ တို့နှင့်အတူ ဝန်ကြီးချုပ်ရုံး၌ မိနစ် ၅၀ ကြာသည်အထိ ဆွေးနွေးခဲ့ကြောင်းဒေသတွင်းမီဒီယာ နစ်ကေးတွင်ဖော်ပြခဲ့သည်။
ယင်းအစည်းအဝေးအပြီးတွင် မစ္စတာအီဝယ က ဂျပန်နိုင်ငံအနေဖြင့် ၎င်း၏စက်မှုလုပ်ငန်းအတွက် အကျိုးသက်ရောက်မှုကိုအကဲဖြတ်ကာ အကောက်ခွန်ကင်းလွတ်ခွင့်အတွက် လမ်းကြောင်းအမျိုးမျိုးမှ တောင်းဆိုသွားမည်ဖြစ်သည်ဟုလည်း သတင်းထောက်များကိုပြောကြားခဲ့သည်။
ကြာသပတေးနေ့ကပြုလုပ်ခဲ့သည့်သတင်းစာရှင်းလင်းပွဲ၌မူ မစ္စတာဟယရှိ က အမေရိက၏ယခုလုပ်ရပ်ကို ရှုံ့ချခဲ့ပြီး အခွန်စည်းကြပ်မှုတိုးမြှင့်လိုက်ခြင်းသည် ဂျပန်နှင့်အမေရိကကြားရှိ စီးပွားရေးဆက်ဆံရေး၊ကမ္ဘာ့စီးပွားရေးနှင့်နိုင်ငံပေါင်းစုံကုန်သွယ်မှုစနစ်တို့အပေါ် သိသိသာသာသက်ရောက်မှုရှိသည်ဟုလည်းသတိပေးခဲ့သည်။
Source : ရှင်းဟွာ