ရန်ကုန်-မန္တလေးအမြန်လမ်းမကြီး၏ ၁၁ မိုင်အမြန်လမ်းမီးသတ်စခန်းအပိုင်တွင် ယနေ့ ဧပြီ ၁၉ ရက်ညနေ ၄ နာရီခန့်က အိမ်စီးကားရှေ့ဘီးပေါက်ပြီး Guard Rail တန်းကိုဝင်တို-က်ကာတိမ်းမှောက်သွားခဲ့ကြောင်း အမြန်လမ်းမီးသတ်တပ်ဖွဲ့စခန်းထံမှ သိရသည်။
အမြန်လမ်းမကြီးအတိုင်း နေပြည်တော်ဘက်မှ ရန်ကုန်ဘက်သို့ အမျိုးသား၊ အမျိုးသမီး(၈)ဦးလိုက်ပါလာသည့် Toyota Alphard (အဖြူရောင်)အိမ်စီးကားသည် အခင်းဖြစ်နေရာ မိုင်တိုင်အမှတ် ၂၀/၀ နှင့် ၁၉/၇ ကြားအရောက် ရှေ့ဘီးပေါက်ကာ အရှိန်မထိန်းနိုင်ဘဲ လမ်းဘေးကာရံထားသည့် Guard Rail တန်းကိုဝင်တို-က်မိပြီး လမ်းဘေးမြေသားလမ်းပေါ်တွင်တိမ်းမှောက်သွားခဲ့ကြောင်း သိရသည်။
ထို့ကြောင့် ၁၁ မိုင်အမြန်လမ်းမီးသတ်စခန်းမှတပ်ဖွဲ့ဝင်များ၊ ၁၁ မိုင်အမြန်လမ်းရဲစခန်းမှတပ်ဖွဲ့ဝင်များက ကူညီကယ်ဆယ်မှုများပြုလုပ်ပေးခဲ့ကြကြောင်း သိရသည်။
ဖြစ်စဥ်ကြောင့် ကားပေါ်တွင်လိုက်ပါလာသူများအနက် အမျိုးသား၊ အမျိုးသမီး(၅)ဦးတွင် ထိခိုက်ဒဏ်ရာများရရှိခဲ့သဖြင့် ဉာဏိဿရအသင်းမှ လှည်းကူးမြို့နယ်ပြည့်သူဆေးရုံသို့ပို့ဆောင်ပေးခဲ့ကြကြောင်း သိရသည်။