ရန်ကုန်-မန္တလေးအမြန်လမ်းမကြီးတွင် ယနေ့ မတ် ၂၆ ရက်နံနက်အစောပိုင်း ၃ နာရီ ၁၀ မိနစ်ခန့်က PK Express ကားနှင့် ၆ ဘီးကုန်တင်ကားတို့တို-က်မိခဲ့ကြောင်း မီးသတ်တပ်ဖွဲ့ထံမှ သိရသည်။
အမြန်လမ်းမကြီး၏ မိုင်တိုင်အမှတ် ၆၀/၆ နှင့် ၆၀/၇ ကြားတွင် PK Express ကားနှင့် ၆ ဘီးကုန်တင်ကားတို့တို-က်မိကာ လူည-ပ်နေသဖြင့် ဘောနီအမြန်လမ်းနယ်မြေမီးသတ်စခန်းနှင့် ဉသျှစ်ကုန်းအမြန်လမ်းနယ်မြေမီးသတ်စခန်းတို့မှတပ်ဖွဲ့ဝင်များက ကူညီကယ်ဆယ်မှုများပြုလုပ်ခဲ့ကြကြောင်း သိရသည်။
ဖြစ်စဥ်ကြောင့် PK Express ကားပေါ်တွင်လိုက်ပါလာသည့် အမျိုးသား(၃)နှင့် ၆ ဘီးကုန်တင်ကားပေါ်မှ အမျိုးသား(၁)ဦးတို့တွင် ထိခိုက်ဒဏ်ရာများ (စိုးရိမ်ရနှင့်မစိုးရိမ်ရ)များရရှိခဲ့၍ စေတနာရှင်လူမှုကူညီရေးအသင်းက မြို့ချောင်းတိုက်နယ်ဆေးရုံသို့ပို့ဆောင်ပေးခဲ့ကြကြောင်း သိရသည်။
ထို့အတူ မတ် ၂၅ ရက်နံနက်အစောပိုင်း ၄ နာရီခန့်ကလည်း အမြန်လမ်းမကြီး၏ မြို့ချောင်းအမြန်လမ်းမီးသတ်တပ်ဖွဲ့စခန်းအပိုင် မိုင်တိုင်အမှတ် ၈၅/ ၁ နှင့် ၈၅/၂ ကြားတွင် ညာဘက်နောက်ဘီးပွင့်ထွက်မှုကြောင့် အတားအဆီးများ၊ အချက်ပြမီးများဖွင့် ၍ရပ်တန့်ထားသော အဝေးပြေးခရီးသည်တင်ကားနောက်ပိုင်းအား Toyota Hilux Revo ကား၏ ကားမောင်းသူအိပ်ငိုက်ကာ အရှိန်မထိန်းနိုင်ဘဲဝင်ရောက်မိခဲ့ကြောင်း သိရသည်။
ဖြစ်စဥ်ကြောင့် Toyota Hilux Revo ကားပေါ်တွက်လိုက်ပါလာသည့် အမျိုးသား(၄)ဦးတွင် ထိခိုက်ဒဏ်ရာများရရှိခဲ့၍ မြို့ချောင်းအမြန်လမ်းမီးသတ်တပ်ဖွဲ့မှ မြို့ချောင်းတိုင်နယ်ဆေးရုံသို့ပို့ဆောင်ပေးခဲ့ကြကြောင်း သိရသည်။