အာဆီယံကော်မတီ (ကူဝိတ်)အလှည့်ကျ ဥက္ကဋ္ဌအဖြစ် ကူဝိတ်နိုင်ငံဆိုင်ရာ ဗီယက်နမ်သံအမတ်ကြီးမှ တာဝန်ယူဆောင်ရွက်သွားမည်

အာဆီယံကော်မတီ ကူဝိတ် အလှည့်ကျ ဥက္ကဋ္ဌတာဝန်အား ကူဝိတ်နိုင်ငံဆိုင်ရာ ဗီယက်နမ်သံအမတ်ကြီးမှ တာဝန်ယူ ဆောင်ရွက်သွားမည်ဖြစ်ကြောင်း နိုင်ငံခြားရေးဝန်ကြီးဌာန၏ ထုတ်ပြန်ချက်အရ သိရသည်။

အဆိုပါ အာဆီယံကော်မတီကူဝိတ် (ASEAN Committee in Kuwait – ACK) အလှည့်ကျဥက္ကဋ္ဌ လွှဲပြောင်းခြင်း အခမ်းအနားကို ကူဝိတ်နိုင်ငံဆိုင်ရာ ထိုင်းသံအမတ်ကြီးနေအိမ်၌ မတ်လ (၂၆)ရက်က ကျင်းပပြုလုပ်ခဲ့ရာ ကူဝိတ်နိုင်ငံဆိုင်ရာ မြန်မာသံအမတ်ကြီး ဦးချမ်းအေးမှ ပါဝင်တက်ရောက်ခဲ့ကြောင်း သိရသည်။

အဆိုပါ အခမ်းအနားနှင့်အတူ အလွတ်သဘောညစာစားပွဲကို ကျင်းပခဲ့ရာ ကူဝိတ်နိုင်ငံရှိ ASEAN သံရုံးများမှ သံအမ တ်ကြီးများ၊ သံရုံး အကြီးအကဲများအပြင် သံတမန်များ နယက တာဂျစ်ကစ္စတန်သံအမတ်ကြီး H.E. Zubaydullo Zubaydzoda ၊ တရုတ်သံအမတ်ကြီး H.E. Mr. Zhang Jianwei ၊ ကိုရီးယားသမ္မတနိုင်ငံ သံအမတ်ကြီး H.E.Mr. Park Chong-suk တို့ တက်ရောက်ခဲ့ကြကြောင်း သိရသည်။

အခမ်းအနား၌ ကူဝိတ်နိုင်ငံဆိုင်ရာ ထိုင်းသံအမတ်ကြီး H.E. Mr. Ekapol Poolpipat မှ နှုတ်ခွန်းဆက် စကားပြောကြားခဲ့ပြီး ACK အလှည့်ကျ ဥက္ကဋ္ဌ တာဝန်ကို ကူဝိတ်နိုင်ငံဆိုင်ရာ ဗီယက်နမ်သံအမတ်ကြီး H.E. Dr. Duc Thang Nguyen ထံ တရားဝင် လွှဲပြောင်းပေးလိုက်ကြောင်း သိရသည်။

ထို့နောက် သံတမန်အဖွဲ့နယက၊ ASEAN+3 သံအမတ်ကြီးများနှင့် ACK’s Working Group အပါအဝင် သံတမန်များသည် အလွတ်သဘောညစာစားပွဲ ကျင်းပခဲ့ကြကြောင်း သိရသည်။