၂ဝ၁၆ ခုနှစ် အတွက် အကယ်ဒမီဆုပေးပွဲ အပြီး နောက်တစ်ရက်ဖြစ်တဲ့ မတ်လ ၁၉ ရက် နေ့မှာတော့ မြန်မာနိုင်ငံ ရုပ်ရှင် အစည်း အရုံးက ဦးစီးပြီး အကယ်ဒမီဆု ၁ဝ ဆုရရှိခဲ့ကြတဲ့ အနုပညာရှင်၊ အတတ်ပညာရှင်တွေကို ရန်ကုန်မြို့ရှိ Melia Hotel မှာ ဂုဏ်ပြုညစာ စားပွဲ ပြုလုပ်ပေးခဲ့ပြီး အကယ်ဒမီ ပေးပွဲကို အဓိက ကူညီ ပံ့ပိုးပေးခဲ့ကြတဲ့ Bella Cosmetic ကုမ္ပဏီအပါအဝင် ကူညီ ပံ့ပိုးပေးခဲ့ ကြတဲ့ သူတွေ အားလုံးကို ဂုဏ်ပြုလက်မှတ်များ ပြန်လည် ပေးအပ်ခဲ့ပါတယ်။ အဲဒီနေ့ညက ဂုဏ်ပြု ညစာစားပွဲကျင်းပမှု အတွက် ကိုတော့ iflix အွန်လိုင်း တီဗီကနေပြီး အဓိက ကူညီ ပံ့ပိုးပေး ထားခဲ့တာဖြစ်ပါတယ်။ ဒါ့အပြင် အကယ်ဒမီဆု ရရှိခဲ့ကြတဲ့ အနုပညာ ရှင်၊ အတတ်ပညာရှင်တွေကို မင်္ဂလာ ရုပ်ရှင်ကုမ္ပဏီ ကနေပြီး အကယ်ဒမီ တစ်ဆုစီ အတွက် ငွေကျပ် ၁ဝ သိန်း၊ iflix ရုပ်ရှင် ကုမ္ပဏီမှ အကယ်ဒမီ တစ်ဆုစီအတွက် ကျပ် ၃ သိန်း၊ JCGV ရုပ်ရှင် ကုမ္ပဏီမှ အကယ်ဒမီ တစ်ဆုစီ အတွက် ငွေကျပ် ၂ သိန်းစီ အသီး သီး ပေးအပ်ခဲ့တဲ့ အပြင် ချယ်ရီဦးနာရီ ကုမ္ပဏီမှလည်း အကယ် ဒမီဆုရရှိကြသူ အကုန်လုံး အတွက် ရိုမန် ဆန်နာရီ တစ်လုံးစီ ဂုဏ်ပြု လက်ဆောင်များ ပေးအပ်ခဲ့ သလို Mega Ace မှလည်း စကိုင်းနက် စက် တစ်ယောက်တစ်လုံးစီ ဂုဏ်ပြုလက်ဆောင် များပေးအပ် ခဲ့တာကို တွေ့ခဲ့ရပါတယ်။
အခုနှစ်မှာ အမျိုးသားဇာတ်ပို့ဆု အကယ် ဒမီဆုကို ရရှိခဲ့သူ ရုပ်ရှင်ဥက္ကဋ္ဌ သုံးထပ်ကွမ်း အကယ်ဒမီ ဆုရှင် လူမင်းက
“နှစ်စဉ်တိုင်းမှာ မြန်မာ့ရုပ်ရှင် အကယ် ဒမီ ထူးချွန်ဆုပေးပွဲပြီးတိုင်း အခုလို ဂုဏ်ပြု ညစာစားပွဲလေး ကို ပြုလုပ်နေကျဖြစ်ပါတယ်။ ဒီနှစ်ဟာ အားလုံးသိခဲ့ကြတဲ့ အတိုင်း မြန်မာ့ ရုပ်ရှင်ထူးချွန်ဆု သမိုင်းမှာ ပထမဦးဆုံး အကြိမ် ပြည်သူ့ရင်ပြင်မှာ ပြုလုပ် ခဲ့တာပဲဖြစ် ပါတယ်။ ခမ်းခမ်းနားနားနဲ့ကို စီစဉ်တင်ဆက် နိုင်ခဲ့ပါတယ်။ အဲဒီလို စီစဉ် တင်ဆက်နိုင်ဖို့ အတွက် အဘက်ဘက် ကနေပြီး ပံ့ပိုးဝိုင်းဝန်း ကူညီကြသူတွေ အကုန်လုံးကို ကျေးဇူးတင် ကြောင်း၊ ဝမ်းမြောက်ကြောင်း၊ မြန်မာနိုင်ငံရုပ်ရှင် အစည်းအရုံး အနေနဲ့ မှတ်တမ်းတင် ဂုဏ်ပြု အပ်ပါကြောင်း ဆိုတဲ့ ရည်ရွယ်ချက်တွေ နဲ့ အခုလိုဂုဏ်ပြု ညစာစားပွဲလေးကို ပြုလုပ်ခဲ့တာ ပဲဖြစ်ပါတယ်။ အဲဒါအပြင် ကျွန်တော် တစ်ခါ တည်း ပြောလိုက်ချင်တာက အခုလို ပွဲကြီးကို အစီအစဉ်တကျ ဖြစ်သွားဖို့ဆိုတာ Event တစ်ခုမှာ Event Management ဆိုတာ အင်မတန် အရေးကြီးပါတယ်။ အဲဒီတော့ အမြဲ တမ်း နားဝင်မချိုသော၊ နားဝင်ခါးသော စကား တွေကို ကြမ်းကြမ်း တမ်းတမ်း ပြော ဆိုခဲ့သော် လည်း အဲဒီနေ့(မတ်၁၈ရက်) ကလို ရလဒ်မျိုး ကို လက်တွေ့ ဆောင်ရွက် စီစဉ် ကျင်းပနိုင်ခဲ့တဲ့ ကိုဂျွန်လွင် ကိုလည်း တကယ်ကို ကျေးဇူးတင် ပါတယ်။ တကယ်ကို ကျေးဇူးတင်ထိုက်သူ အဖြစ် မှတ်မှတ်သားသား နဲ့ကို ကျေးဇူးတင် ပါတယ်” လို့လည်း အကယ်ဒမီ ညစာစားပွဲညက ထည့်သွင်းပြောသွားခဲ့ပါတယ်။
အဲ့ဒီနေ့က ညစာစားပွဲကို အဓိက ပံ့ပိုး ပေး ထားတဲ့ Iflix ဆိုတာကလည်း မြန်မာနိုင်ငံ ကို ရောက်ရှိလာတာ လပိုင်းသာ ရှိပါသေး တယ်။ Iflix ဆိုတာက နိုင်ငံတကာက ရုပ်ရှင် ဇာတ် ကားတွေကို တရားဝင် မူပိုင်အနေနဲ့ လိုင်စင်ယူပြီး နိုင်ငံတကာ ရုပ်ရှင် အစည်းအရုံး အဖွဲ့ အစည်းတွေနဲ့ ချိတ်ဆက်ပြီး အွန်လိုင်း ပေါ်မှာ အခပေး အဖြစ် ထုတ်လွှင့်ပြသနေတဲ့ ကုမ္ပဏီကြီးတစ်ခုဖြစ်ပါတယ်။ မြန်မာနိုင်ငံ မှာတော့ ဒီနှစ်မတ်လမှာ စတင်ပါတယ်။ ဗီယက်နမ်မှာတော့ ဖေဖော်ဝါရီလကနေစတင် ခဲ့ပါတယ်။ အခု လက်ရှိမှာတော့ Iflix မှာ မြန်မာ ရုပ်ရှင်ဇာတ်ကားတွေ နဲ့ ဇာတ်လမ်းတွေ ကိုလည်း လွန်ခဲ့တဲ့ ရက်ပိုင်းလေးကပဲ Iflix မှာ တင်ထားပြီး ထုတ်လွှင့်ပြသနေပြီဖြစ်ပါ တယ်။
Iflix ရဲ့ မြန်မာပြည် Country Manager Ms. Adeana Greenlee ကတော့ “iflix အနေနဲ့ မြန်မာ့ရုပ်ရှင် လောကရဲ့ အတိတ် ကာလ က အောင်မြင်မှုတွေကို ဆက် လက်ထိန်း သိမ်းဖို့၊ လက်ရှိ ပစ္စုပ္ပန်က အောင်မြင်မှုတွေ ကို ဂုဏ်ပြုဖို့၊ အနာဂတ်ကို ပုံဖော်ဖို့ မြန်မာနိုင်ငံ ရုပ်ရှင် အစည်းအရုံးကို ကူညီထောက်ပံ့ ခွင့်ရမှာဖြစ်တဲ့ အတွက် စိတ်လှုပ်ရှား နေမိပါ တယ်။ ကမ္ဘာ့ တိုးတက်ဆဲ ဈေးကွက်မှာ ဦးဆောင်နေတဲ့ အခကြေးငွေပေးပြီး အင်တာ နက်မှာ ကြည့်ရှုနိုင်တဲ့ Iflix ဝန်ဆောင်မှု ကို မြန်မာနိုင်ငံမှာ ပထမဦးဆုံး ကြိုဆိုခွင့်ရပြီး အတူတူလက်တွဲ လုပ်ကိုင်ရတဲ့အတွက် ဝမ်း သာမိပါတယ်။ Iflix က မြန်မာ့ ရုပ်ရှင်တွေကို ကြည့်ရှုနိုင်မယ့် အသုံးပြုရ လွယ်ကူတဲ့၊ ဈေး သက်သာတဲ့ တရားဝင် ဝန်ဆောင်မှုတစ်ခုကို ပရိသတ်တွေ ကြည့်ရှုနိုင်အောင် ပြုလုပ်ပြီး တော့ မြန်မာ့ ရုပ်ရှင်ဖြန့်ချိမှု ပုံစံကို တိုးတက် စေ မယ့် Platform တစ်ခုကို ဖန်တီးပေးထား ခြင်း ဖြစ်ပါတယ်” လို့ ပြောခဲ့ပါတယ်။
ထက်လူ
ဓာတ်ပုံ – အောင်ဇော်မင်း