နိုင်ငံတော်အစိုးရမှ ၂၀၂၄ ခုနှစ်၊ ဒီဇင်ဘာလနှင့် ၂၀၂၅ ခုနှစ်အတွင်း အများပြည်သူနှင့် နိုင်ငံ့ဝန်ထမ်းများ ခရီးသွားလာမှုလွယ်ကူစေရန်နှင့် ရက်ရှည်အနားယူအပန်းဖြေနိုင်စေရန် ရည်ရွယ်၍ ရုံးဖွင့်ရက်တချို့အား တစ်ဆက်တည်းပိတ်၍ အစားထိုးပြင်ဆင်သတ်မှတ်ပေးသွားမည်ဖြစ်ကြောင်း သိရသည်။
ထိုသို့ တစ်ဆက်တည်း ရုံးပိတ်ရက်အဖြစ် သတ်မှတ်လိုက်သည့် ရုံးဖွင့်ရက်များကို အနီးစပ်ဆုံး စနေနေ့တစ်ရက်စီဖြင့် အစားထိုးရုံးပိတ်ရက်များအဖြစ် ပြန်လည် သတ်မှတ်ထားကြောင်းလည်း သိရသည်။
ပထမရုံးပိတ်ရက်ရှည်တွင် ပိတ်ရက် ၅ ရက်ရှိမည်ဖြစ်ပြီး ၂၀၂၄ ခုနှစ်၊ ဒီဇင်ဘာ ၂၈ ရက်(စနေနေ့)၊ ၂၉ ရက်(တနင်္ဂနွေနေ့)၊ ၃၀ ရက် (ကရင်နှစ်သစ်ကူးနေ့)နှင့် လာမည့် ၂၀၂၅ ခုနှစ်၊ ဇန်နဝါရီ ၁ ရက်နေ့တို့ကြားရှိ ၂၀၂၄ ခုနှစ်၊ ဒီဇင်ဘာ ၃၁ ရက်ကို ရုံးပိတ်ရက်အဖြစ်သတ်မှတ်မည်ဖြစ်သည်။
ဒုတိယရုံးပိတ်ရက်ရှည်တွင် ပိတ်ရက် ၅ ရက်ရှိမည်ဖြစ်ပြီး ၂၀၂၅ ခုနှစ်၊ မတ် ၁၃ ရက်(တပေါင်းလပြည့်နေ့)၊ ၁၅ ရက်(စနေနေ့)နှင့် ၁၆ ရက်(တနင်္ဂနွေနေ့)တို့ကြားရှိ မတ် ၁၄ ရက်နှင့် တပေါင်းလပြည့်နေ့ ၏ရှေ့တစ်ရက်ဖြစ်သော မတ် ၁၂ ရက်တို့ကိုလည်း ရုံးပိတ်ရက်အဖြစ်သတ်မှတ်မည်ဖြစ်သည်။
တတိယရုံးပိတ်ရက်ရှည်တွင် ပိတ်ရက် ၄ ရက်ရှိမည်ဖြစ်ပြီး ၂၀၂၅ ခုနှစ်၊ နိုဝင်ဘာ ၁ ရက်(စနေနေ့)၊ ၂ ရက်(တနင်္ဂနွေနေ့)နှင့် ၄ ရက်(တန်ဆောင်မုန်း လပြည့်နေ့)တို့ကြားရှိ နိုဝင်ဘာ ၃ ရက်ကိုလည်း ရုံးပိတ်ရက်အဖြစ်သတ်မှတ်မည်ဖြစ်သည်။
စတုတ္ထရုံးပိတ်ရက်ရှည်တွင် ပိတ်ရက် ၄ ရက်ရှိမည်ဖြစ်ပြီး ၂၀၂၅ ခုနှစ်၊ ဒီဇင်ဘာ ၂၅ ရက်(ခရစ္စမတ်နေ့)၊ ၂၇ ရက်(စနေနေ့)နှင့် ၂၈ ရက်(တနင်္ဂနွေနေ့) တို့ကြားရှိ ဒီဇင်ဘာ ၂၆ ရက်ကိုလည်း ရုံးပိတ်ရက်အဖြစ်သတ်မှတ်မည်ဖြစ်သည်။
ထို့ကြောင့် ပိတ်ရက်ရှည်အဖြစ်သတ်မှတ်ပေးသည့် ရုံးပိတ်ရက်ရှည်များ၏ ရှေ့လာမည့် အနီးဆုံး စနေနေ့တစ်ရက်စီကို အစားထိုးရုံးတက်ရက်များအဖြစ်သတ်မှတ်မည်ဖြစ်ရာ ပထမရုံးပိတ် ရက် ၅ ရက်အတွက် ၂၀၂၅ ခုနှစ်၊ ဇန်နဝါရီ ၄ ရက်၊ စနေနေ့သည် အစားထိုးရုံးတက်ရက်ဖြစ်သော်လည်း လွတ်လပ်ရေးနေ့ဖြစ်၍ ဇန်နဝါရီ ၁၁ ရက်(စနေနေ့)အား အစားထိုးရုံးတက်ရက်အဖြစ်သတ်မှတ်ကြောင်း သိရသည်။
ထို့ပြင် ဒုတိယ ရုံးပိတ်ရက်ရှည်အတွက် မတ် ၂၂ ရက်(စနေနေ့)နှင့် မတ် ၂၉ ရက်(စနေနေ့)၊ တတိယရုံးပိတ်ရက်ရှည်အတွက် နိုဝင်ဘာ ၈ ရက်(စ နေနေ့)၊ စတုတ္ထရုံးပိတ်ရက်ရှည်အတွက် ၂၀၂၆ ခုနှစ်၊ ဇန်နဝါရီ ၃ ရက်(စနေနေ့)တို့ကိုလည်း အစားထိုးရုံးတက်ရက်များအဖြစ်သတ်မှတ်ထားကြောင်း သိရသည်။
